LUKAS 5:34 - KITTA' MATANGKASA'

³⁴ Appialimi Isa Nakana, “Maka nusuroi toanannu appuasa ri pa'buntinganga punna nia'ija bunting bura'nea angngagangi ke'nanga? Tantu tena!

LUKAS 5:34 Iomraidhean Croise

KELONG MALA'BIRI' 5:8

A'janjiko, he sikamma tulolonna Yerusalem, punna nubuntulu' tanringku, pabattu laloi mae ri ia angkana garringa' ri pattanringang.

KELONG MALA'BIRI' 6:1

Kemae lampana tanrinnu, he tulolo kaminang ga'gaya? Kemae lampana tanrinnu, sollanna amminawang todong ikambe a'boya?

YESAYA 54:5

Mappa'jarinu rapangi bura'nennu, Allata'ala matangkasa'na Israel Iami Mappasalama'nu. Batara Kaminang Makoasaya, iaminjo arenNa, Ia Allata'ala makoasa ri sikontu linoa.

YESAYA 62:5

Rapang se're turungka ambuntingi se'rea tulolo, kammaminjo Mappa'jarinu laNanikkaiko. Rapang bunting bura'ne rannu anciniki bainenna, kammaminjo batenu laNingai ri Allata'ala.

ZEFANYA 3:17

Nala'langiko Karaeng Allata'alanu porea. Ammetako lanri kakoasanNa. Rannui pa'mai'Na siagang sannangi nyawaNa Batara lanri ikau, lanri pangngamaseanNa na Nasareko katallassang beru.

MATIUS 22:2

Nakana, “Punna ammarenta Allata'ala kammaminne pangngebarranna: Nia' se're Karaeng ampa'buntingi ana'na bura'nea, nanapassua'-suarrang.

MATIUS 9:15

Appialimi Isa angkana, “Maka biasai toanaya si'na atinna punna nia' ija bunting bura'nea ri tangnga-tangngana ke'nanga? Antekamma panggappanu? Tantu tena! Mingka lanarapiki sallang wattunna lanialle anjo bunting bura'nea battu ri tangnga-tangngana ke'nanga. Iaminjo wattua nalasi'namo atinna ke'nanga.

LUKAS 5:33

Nakanamo taua ri Isa, “Ana'-ana' gurunna Yohanes siagang ana'-ana' gurunna tu Farisia sarroi appuasa siagang appala' doang. Mingka ana'-ana' gurunNu nagaukangi angnganre-angnginunga.”

LUKAS 5:35

Mingka lanarapiki wattunna nalanialle anjo bunting bura'nea battu ri ke'nanga. Iaminjo wattua nalappuasa ke'nanga.”

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.

2 KORINTUS 11:2

Nakkuka' mae ri kau ngaseng, sangkamma KalenNa Allata'ala nakku' tongi mae ri kau ngaseng. Sanrapangko se're tulolo, le'bakamo kujanji lakupa'nikka siagang sitau bura'ne, iamintu Almasi.