LUKAS 5:29 - KITTA' MATANGKASA'

²⁹ Le'baki anjo appare'mi Lewi passua'-suarrang ri balla'na untu' antoanai Isa. Jaimi pasingara' sima siagang tau maraenganga battu angngagangi ke'nanga angnganre.

LUKAS 5:29 Iomraidhean Croise

MATIUS 11:19

Battuiseng Ana' Ma'rupataua – Nangnganre siagang angnginung; nanipakkanaimo ri taua, ‘Cinissai anjo taua, balalana siagang painunna! Manna pasingara' simaya siagang tau kodi sipaka Naagang ngaseng sipa'rappungang.’ Mingka manna nakamma mamo, lanipa'butti tonjia ero'Na Allata'ala lanri a'nyatana wassele'na.”

MATIUS 5:46

Nasaba' punna iaji bawang tau angkamaseangako nukamaseang, apa paralluna Nabalasa' Allata'ala anjo panggaukannu? Sai manna parentea angngasseng tonji anggaukangi kammaya anjo?

MATIUS 9:10

Ri wattunna angnganre Isa ri balla'na Matius, jaimi pasingara' sima siagang tau nicini' kodia ri tau jaia battu ngaseng todong angngagangi Isa siagang ana'-ana' gurunNa angnganre.

MATIUS 9:9

Le'baki anjo a'lampami Isa ambokoi anjo tampaka. Lalang a'jappaNa, nia'mo Nacini' sitau pasingara' sima niarenga Matius, sitabang ammempo lalang ri kantoro'na. Nakanamo Isa ri ia, “Maeko amminawang ri Nakke!” Ammentemmi Matius nampa amminawang ri Isa.

MARKUS 2:15

Ri wattunna angnganre Isa ri balla'na Lewi, jaimi pasingara' sima siagang tau nicini' kodia ri tau jaia, angngagangi Isa siagang ana'-ana' gurunNa angnganre. Nasaba' jaimi ke'nanga amminawang ri Isa.

LUKAS 15:1

Ri se'reang allo, jai pasingara' sima siagang tau nicini' kodi sipaka ri tau jaia, battu ampilangngeri Isa angngajara'.

YOHANES 12:2

Anjoreng, nitoanami Isa ri ke'nanga, na Marta allayani. Ammempomi angnganre Lazarus siagang Isa, kammayatompa siapa are toananna.

1 KORINTUS 10:27

Punna nia' tau tenaya na Karisteng angkiokko mange angnganre ri balla'na, nanutarima anjo pakkio'na, kanremi sikamma apa-apa napattoananga ri kau. Tea' mako paressai rolong angkana battu kemae assala'na anjo kanrea, sollanna tena nabata-bata lalang nyawanu.