LUKAS 5:2 - KITTA' MATANGKASA'

² Nia' Nacini' Isa rua biseang ri birinna anjo tamparanga. Sitabangi naung pajalaya antangkasi jalana ke'nanga.

LUKAS 5:2 Iomraidhean Croise

MATIUS 4:18

Ri wattu a'jappana Isa ri birinna Tamparang Galilea, nia'mo Nacini' rua paboya juku', iamintu niarenga Simon (Nigallaraka Petrus) siagang andi'na niarenga Andreas. Sitabangi ke'nanga anjala juku' ri tamparanga.

MATIUS 4:21

A'jappana pole Isa, nia'mo pole Nacini' tau rua assari'battang, iamintu niarenga Yakobus siagang Yohanes, niarenga Zebedeus manggena. Sitabangi ke'nanga nia' rate ri biseanna appakabaji' jala siagang manggena ke'nanga. Nikio' tommi ke'nanga ri Isa,

MARKUS 1:16

Ri wattunna a'jappa Isa ri biring Tamparang Galilea, nia' Nacini' rua paboya ri juku', iamintu Simon siagang Andreas andi'na. Sitabangi ke'nanga a'jala juku' ri tamparanga.

MARKUS 1:19

Tulusuki jappaNa Isa, nia'mo pole nacini' rua tau massari'battang, iamintu Yakobus siagang Yohanes ana'-ana'na Zebedeus. Lalangi ri biseanna ke'nanga sitabang ampakabajiki jalana.

LUKAS 5:1

Nia' se're wattu nammenteng Isa ri biring Tamparang Genesaret. Jai tau assiassa'-assa', battu ero' allangngereki biritta battua ri Allata'ala.

LUKAS 5:3

Nai'mi Isa ri kalase'renna anjo biseanga, iamintu biseanna Simon. Nampa nasorong Simon anjo biseanga, assulukang sike'de' ri tamparanga. Ammempomi Isa ilalang ri anjo biseanga, nampa Naajara' anjo tau jaia.

YOHANES 1:40

Kala se'renna anjo tau ruaya, allangngerekai apa napaua Yohanes nampa amminawang ri Isa, niarengi Andreas, assari'battanga siagang Simon Petrus.