LUKAS 5:17 - KITTA' MATANGKASA'

¹⁷ Nia' se're allo, ri wattunna angngajara' Isa, na nia' siapa are tu Farisi siagang guru-guru agama ammempo ampilangngeri. Tu battui ke'nanga ri Yerusalem siagang kota-kota niaka ri Galilea siagang Yudea. Niaki ri KalenNa Isa koasaNa Allata'ala untu' amballei na'jari baji' sikamma tau garringa.

LUKAS 5:17 Iomraidhean Croise

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

MATIUS 15:1

Nia' siapa are tu Farisi siagang guru-guru agama battu ri Yerusalem mae ri Isa. Akkuta'nammi ke'nanga ri Ia angkana,

MARKUS 1:45

Mingka a'lampaji anjo taua na tuli nacarita mange-mange anjo apa kajarianga. Sa'genna takkulleami Napappicinikang KalenNa Isa punna antama' ri kotaya. Pantaranganna mami kotaya ri tampa' sino-sinoa ammantang. Mingka tuli jaina tau battu ri kere-keremae, battu mae ri Ia.

MARKUS 16:18

Punna anna'galaki ulara' yareka angnginungi racung, talamangngapa-apayai ke'nanga. Punna napadongko' limanna ke'nanga irateanganna tau garringa, la'jari bajiki anjo tau garringa.”

MARKUS 3:22

Guru-guru agama battua ri Yerusalem angkanami, “Napantamai Pinggawana Setang! Iaminjo Pinggawana Setanga assarei koasa nakkulle Nabongka setanga.”

MARKUS 5:30

Anjo wattua nakasia' tommi Isa angkanaya nia' kagassingang assulu' battu ri KalenNa. Jari assailemi Isa, nampa Nakuta'nang tau jaia, Nakana, “Inai anseroi jubaKu?”

MARKUS 7:1

Nia' siapa are tu Farisi siagang guru-guru agama battu ri Yerusalem, mae ri Isa.

LUKAS 15:2

A'moro-moromi tu Farisia siagang guru-guru agamaya. Nakanamo ke'nanga, “Pui', anne taua natarimai siagang naagangi sipangnganreang tau kodi sipaka!”

LUKAS 2:46

Makatallungallonapi naboya ke'nanga nampa nabuntulu' lalang ri Balla'Na Batara. Niaki lalang ammempo ampilangngeri guru-guru agamaya siagang akkuta'nang ri anjo guru-guru agamaya.

LUKAS 5:21

Sipa'bicarami guru-guru agamaya siagang tu Farisia nakana, “Inai anne taua nabarani kamma anghinai Allata'ala? Inai akkulle ampammopporangi dosaya, pantaranganna Allata'ala?”

LUKAS 5:30

Nia'mo siapa are tu Farisi siagang guru-guru agama tena nasannang nyawana anciniki ke'nanga. Nakanamo ke'nanga ri ana'-ana' gurunNa Isa, “Angngapa nusipangnganreang siagang sipangnginungang ngaseng siagang pasingara' simaya kammayatompa tau kodi sipaka?”

LUKAS 6:19

Ero' ngasemmi taua anseroi Isa, nasaba' nia'na koasa assulu' battu ri KalenNa, akkullea amballei garrinna ke'nanga.

LUKAS 7:30

Mingka taerokai tu Farisia siagang guru-guru agamaya antarimai rancanaNa Allata'ala eroka ampasalamaki ke'nanga. Taerokai ke'nanga nije'ne' ri Yohanes.

LUKAS 8:46

Nakanamo Isa, “Mingka nia' tau anseroA'. Kuassengi, nasaba' nia' Kusa'ring kagassingang assulu' battu lalang ri KalengKu.”

YOHANES 3:10

Appialimi Isa Nakana, “Ikau guruko ri Israel; masa' tena nanuassengi?

YOHANES 3:21

Mingka inai-nai anggaukangi ero'Na Allata'ala, battumi mae ri singaraka sollanna a'nassa angkanaya anjo apa nagaukanga situruki ero'Na Allata'ala.

LAMPA-LAMPANA 19:11

Jaimi gau' appakalanna'-lannasa' Nagaukang Allata'ala lalang ri kalenna Paulus.

LAMPA-LAMPANA 4:30

Kipa'nyatai pannulunTa sollanna akkulle niballei tau garringa, siagang nakajariang gau'-gau' appakalannasaka, lanri koasana siagang kagassingang battua ri arenNa Isa, Ana' MatangkasatTa.”

LAMPA-LAMPANA 5:34

Mingka nia' kalase'renna anggotana anjo pangadelang agamaya tu Farisi, niarenga Gamaliel. Iami guru agama sannaka nipakalompona ri tau jaia. Ammentemmi nai', nampa nasuro erang rolong assulu' sinampe' sikamma anjo tunisuroNa Allata'ala.