LUKAS 5:12 - KITTA' MATANGKASA'

¹² Ri se'reang allo, niaki Isa ri se'reang kota. Anjoreng nia' se're tau bura'ne nataba garring sala. Nacini'na Isa, su'ju'mi anjo taua ri dallekanNa Isa. Nampa nakana ri Isa, “Pa', punna erokKi', akkullea' Kiballei naku'jari baji'!”

LUKAS 5:12 Iomraidhean Croise

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

1 KARAENG-KARAENG 18:39

Nacini'na ra'yaka anjo apa kajarianga, su'ju'mi ke'nanga naung ri buttaya, nampa nakana ke'nanga, “Batarami Allata'ala. Ma'nassa tojenna anjo Batara, Allata'ala!”

2 KARAENG-KARAENG 5:1

Anjo Naaman panglima tantarana tu Siria sannaka ningaina siagang nipakala'biri'na ri karaeng Siria. Nasaba' tete ri Naaman, nisarei pammetang ri Batara tantara Siria. Anjo Naaman panglima sanna' baranina, mingka natabai garring sala.

2 KARAENG-KARAENG 5:27

Lanri nutarimana anjo passarea, lanutarima tongi anjo garrinna Naaman. Ba'lalo sa'genna satunggu-tungguna sikamma jari-jarinu lanagappai anjo garringa!” Ri wattunna assulu' Gehazi battu anjoreng, anggappami garring sala, iamintu a'jari kebo' sikalimi bukkulenna.

2 KARAENG-KARAENG 7:3

Anjo alloa nia' appa' tau garring sala ri pantaranganna pakke'bu' lompona Samaria. Sipa'bicarai para ia ke'nanga angkana, “Apa matu-matunta ammantang anrinni antayangi kamateanga?

1 PATTOTTORANG 21:16

Naciniki Daud anjo malaekaka allayang ri alla'na langika siagang buttaya. Nia' pa'dang lalang limanna, nasadia anjo malaekaka angngancuruki Yerusalem. Na anjo wattua, Daud siagang sikamma pamimping-pamimping ra'yaka, ammakemi care-care karung a'jari pammatei angkanaya assesse'lalammi ke'nanga, nasu'ju' ke'nanga naung ri buttaya.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

KALAPPASSANG 4:6

Nakana pole Batara ri Musa, “Pantamaki limannu ri bajunnu.” Mannurukimi Musa, na ri wattunna nabeso' limanna assulu', a'jari kebo' dudumi anjo limanna lanri nitabai ri garring bukkuleng lompoa bahayana.

KAIMANGNGANG 13:16

Mingka punna a'jari pia ammotere' anjo puru lompoa siagang a'jari kebo' ammotere', anjo taua musti mangei pole andallekang ri imanga

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

MATIUS 26:6

Ri wattunna nia' Isa ri Betania, ri balla'na Simon le'baka garring sala,

MATIUS 9:28

Ri wattunna antama' Isa ri se'reang balla', battumi anjo ruaya tau buta mae ri Isa. Akkuta'nammi Isa ri ke'nanga Nakana, “Maka nupatappaki angkanaya akkulleko Kubajiki sa'gennu accini'?” Appialimi ke'nanga angkana, “Iye' tappaki ikambe!”

MARKUS 5:23

Na napala' dudu ri Isa nakana, “Bapa', sanna' sikali garrinna ana' baineku. Kupalaki naKibattu anta'galaki, sollanna akkulle baji', natea matei!”

LUKAS 17:16

Nampa mange ri dallekanNa Isa, anynyomba appala' sukkuru' ri Isa. Anjo taua tau battu ri pa'rasangang Samaria.

LUKAS 5:13

Naangka'mi limanNa Isa, nampa Nasero anjo taua, siagang Nakana, “ErokKa', a'jari baji' mako.” Anjo wattua lanynya' silalonnami garrinna anjo taua.

PAOLE 24:8

Punna nia' tau garring sala ri tangnga-tangnganu, gaukangi siagang baji' apa naparentakanga imang-imang Lewi mae ri kau; turuki sikamma apa napijo'jokiangko.

IBRANI 7:25

Lanri kammanami anjo nakkulle Isa sa'genna satunggu-tungguna ampasalamaki sikontu tau battua mae ri Allata'ala tete ri KalenNa; nasaba' attallasaki satunggu-tungguna sollanna akkulle Napappala'-palakkang sikamma anjo taua mae ri Allata'ala.

YOSUA 5:14

Appialimi anjo taua angkana, “Teai agang, siagang teai todong bali. Inakke battua' mae anrinni salaku panglimana tantaraNa Batara.” Nalangngere'na Yosua pappialinna anjo taua, su'ju'mi anynyomba ri anjo taua. Angkanami Yosua, “Inakke anne atanta' karaeng. Apa akkulle kugaukang untu' ikatte?”