LUKAS 4:7 - KITTA' MATANGKASA'

⁷ Punna su'jukKo anynyomba ri nakke lakupassareang ngasengi anjo mae ri Kau.”

LUKAS 4:7 Iomraidhean Croise

PAMMUJI 72:11

Sikontu karaenga lasu'juki ri dallekanna, sikontu bansaya a'jari ata-atanna.

YESAYA 45:14

Nakana Batara mae ri tu Israel, “Patangi wassele' buttana Mesir siagang passawallanna Sudan. Sikamma tu Syeba barania a'jari ikau pata; a'jappai ke'nanga ri bokonu nisikkokang limanna. Lasu'juki siagang lamangakui ke'nanga angkana, ‘Ma'nassa nia' tojengi Allata'ala ri tangnga-tangnganu; tena allata'ala pantaranganna Ia!

YESAYA 46:6

Nasungkei taua tasna nampa natumpa bulaenna, nampa natimbang pera'na siagang batu dacing. Nagaji tukang bulaenga untu' appare' patung barhala, nampa nasomba anjo patung bate pare'na.

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

LUKAS 17:16

Nampa mange ri dallekanNa Isa, anynyomba appala' sukkuru' ri Isa. Anjo taua tau battu ri pa'rasangang Samaria.

LUKAS 4:6

Nakanamo Billisika ri Isa, “Sikontu anjo kakoasang siagang kakalumanynyangang Nucinika lakupassareangi mae ri Kau. Nasaba' yangasenna anjo le'ba'mi nipassareang mae ri nakke. Jari akkullei kupassareang mae ri tau kungaia kusareang.

LUKAS 4:8

Appialimi Isa Nakana, “Nia' tattulisi' lalang ri Kittaka angkanaya, ‘Parallui nusomba Karaeng Allata'alanu, siagang Iaji bawang siratang nupakala'biri'!’ ”

LUKAS 8:28

Nacini'na anjo taua angkana niaki battu Isa, ammarrang lompomi nampa su'ju' ri dallekanNa Isa. Ammarrammi nakana, “O Isa, Ana'Na Allata'ala Kaminang Tinggia! Apa ero' Kigaukang mae ri nakke? Kupalaki natena Kisessa'!”

PAPPICINI' 22:8

Inakke, Yohanes, le'ba' ngasemmi kulangngere' siagang kucini' ngaseng sikammaya anjo. Le'ba'na kulangngere' siagang kucini', su'ju'ma' ri dallekanna anjo malaeka' ampicinikianga' sikammaya anjo, siagang ero'ma' anynyomba mae ri ia;

PAPPICINI' 4:10

su'ju'mi anjo pamimping ruampuloa angngappa', mae ri anjo ammempoa ri empoang kala'birang, nampa anynyomba mae ri Ia anjo mattallasaka sa'genna satunggu-tungguna. Nampa napasambila ke'nanga massing songko'na mae ri dallekanna anjo empoang kala'biranga, nangkana,

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.