LUKAS 4:39 - KITTA' MATANGKASA'

³⁹ Mangemi Isa ri katinroanna anjo ibu', nampa Napela' assulu' anjo rammusu'na. Ammarimi anjo rammusuka; nambangung memammo silalonna matoang bainena Petrus, mange allayani ke'nanga.

LUKAS 4:39 Iomraidhean Croise

PAMMUJI 116:12

Apa kupassareang mae ri Batara untu' ambalasaki kabajikanNa mae ri nakke?

MARKUS 1:29

A'lampami Isa siagang ana'-ana' gurunNa ambokoi anjo balla' sambayanga, nampa mange ri balla'na Simon siagang Andreas. A'lampa tongi Yakobus siagang Yohanes siagang ke'nanga.

LUKAS 4:35

Naga'gara'mi Isa anjo setanga Nakana, “A'merekko! Assulukko battu ri antu taua!” Nipatappasa'mi anjo taua ri anjo setanga ri dallekanna ngaseng ke'nanga. Nampa assulu' baji'-baji' anjo setanga battu ri anjo taua.

LUKAS 4:41

Nabongka ngaseng tommi setanga battu ri kalenna taua, nasosoka setang. Na punna assulu' anjo setanga battu ri kalenna taua, ammarrang-marrammi angkana, “IKaumi Ana'Na Allata'ala!” Mingka Naga'gara'mi Isa anjo setang-setanga. Napisangkai appau ke'nanga, lanri naassengi ke'nanga angkana, Iami Karaeng Mappasalamaka.

LUKAS 8:24

A'lampami linta' ana'-ana' gurunNa Isa anronrongi Isa. Nakanamo ke'nanga, “Pa' Guru, Pa' Guru, natujuki' bala!” Ambangummi Isa nampa Naga'gara' anjo anginga siagang bombang lompoa. Ammarimi anjo anginga siagang bombanga, nampa a'jari sannang sikali tamparanga.