LUKAS 4:35 - KITTA' MATANGKASA'

³⁵ Naga'gara'mi Isa anjo setanga Nakana, “A'merekko! Assulukko battu ri antu taua!” Nipatappasa'mi anjo taua ri anjo setanga ri dallekanna ngaseng ke'nanga. Nampa assulu' baji'-baji' anjo setanga battu ri anjo taua.

LUKAS 4:35 Iomraidhean Croise

PAMMUJI 50:16

Mingka mae ri tu ja'dalaka Nakana Batara, “Ikau tena ha'nu antappui hukkungKu, siagang a'bicara ri passala'na parjanjiangKu.

ZAKHARIA 3:2

Nakana malaeka'Na Batara mae ri Setanga, “Poro nihukkung laloko ri Batara, Setang! Poro nihukkung laloko ri Batara mangngarimangngia ri Yerusalem. Anne taua sanrapangi polong kayu nibesoka battu ri pepe' a'rinraya.”

MATIUS 17:18

Nampa Nabongka Isa anjo roh ja'dalaka battu lalang ri kalenna anjo anaka. Assulu'mi anjo roh ja'dalaka, na'jari baji'mo anjo anaka silalonna.

MATIUS 8:26

Nakanamo Isa, “Angngapa numalla' kamma ngaseng? Kurang tappakko ri Nakke?” Nampa ammenteng Isa, naNaga'gara' anjo anginga siagang tamparanga. Sa'genna sannang sikalimo anjo tamparanga.

MARKUS 1:26

Naparuntang-runtang sanna'mi roh ja'dalaka anjo taua, nampa ammarrang lompo siagang assulu' battu ri kalenna anjo taua.

MARKUS 4:39

Ambangummi Isa, nampa naga'gara' anjo anginga, siagang Nakana ri anjo tamparanga, “Ammariko siagang sannangko!” Ammarimi anginga, siagang a'jari sannang sikalimi tamparanga.

MARKUS 9:26

Ammarrammi anjo roh ja'dalaka, nampa napa'jari ka'doro' kalenna anjo anaka, nampa assulu'. A'jari pi'lasa'mi anjo anaka, sangkamma maya' nicini', sa'genna nakana ngaseng taua, “Matemi!”

LUKAS 11:22

Mingka punna nia' tau kassakkangang battu angngewai siagang ambetai, lanialleang ngasemmi anjo sanjata napattoanga, nampa nialle passa ngaseng todong nampa nipa'bage-bageang pa'barang-baranganna.

LUKAS 4:23

Jari Nakanamo Isa ri ke'nanga, “Mattantu lanupakei anne pangngebaranga ri Nakke angkanaya, ‘O dottoro', balleimi rolong KalenNu, nampa Nuballei tu maraenga. Gaukammi ri kampong KalenNu anjo gau'-gau' appakalannasaka, nilangngereka kabara'na Nugaukang ri Kapernaum.’ ”

LUKAS 4:39

Mangemi Isa ri katinroanna anjo ibu', nampa Napela' assulu' anjo rammusu'na. Ammarimi anjo rammusuka; nambangung memammo silalonna matoang bainena Petrus, mange allayani ke'nanga.

LUKAS 4:41

Nabongka ngaseng tommi setanga battu ri kalenna taua, nasosoka setang. Na punna assulu' anjo setanga battu ri kalenna taua, ammarrang-marrammi angkana, “IKaumi Ana'Na Allata'ala!” Mingka Naga'gara'mi Isa anjo setang-setanga. Napisangkai appau ke'nanga, lanri naassengi ke'nanga angkana, Iami Karaeng Mappasalamaka.

LUKAS 8:24

A'lampami linta' ana'-ana' gurunNa Isa anronrongi Isa. Nakanamo ke'nanga, “Pa' Guru, Pa' Guru, natujuki' bala!” Ambangummi Isa nampa Naga'gara' anjo anginga siagang bombang lompoa. Ammarimi anjo anginga siagang bombanga, nampa a'jari sannang sikali tamparanga.

LUKAS 9:39

Kapunna nipantamakki ri roh ja'dalaka, ti'ring ammarrang-marrammi, siagang ka'doro'mi kalenna nampa a'busa bawana. Sanna' nisessana ri anjo roh ja'dalaka, siagang taerokai anjo roh ja'dalaka assulu' battu ri kalenna!

LUKAS 9:42

Lalang a'jappana anjo anaka mae ri Isa, nipatappasa'mi anjo anaka ri anjo setanga, siagang a'jari ka'doro'mi kalenna. Mingka niga'gara'mi ri Isa anjo roh ja'dalaka, sollanna assulu', na'jari baji'mo anjo anaka. Nampa nipassareang anjo anaka ammotere' mange ri manggena.

PAPPICINI' 12:12

Lanri kammana, parallui ma'rannu-rannu surugaya siagang sikontu tau niaka ammantang lalang! Mingka cilakami buttaya siagang tamparanga, nasaba' naummi Billisika mae ri kau sanna' larrona, lanri naassenna angkana sinampe' mami wattunna.”