LUKAS 4:23 - KITTA' MATANGKASA'

²³ Jari Nakanamo Isa ri ke'nanga, “Mattantu lanupakei anne pangngebaranga ri Nakke angkanaya, ‘O dottoro', balleimi rolong KalenNu, nampa Nuballei tu maraenga. Gaukammi ri kampong KalenNu anjo gau'-gau' appakalannasaka, nilangngereka kabara'na Nugaukang ri Kapernaum.’ ”

LUKAS 4:23 Iomraidhean Croise

MATIUS 13:54

nampa ammotere' mange ri pa'rasanganNa. Battuna mange anjoreng, mangemi ri sikamma balla' sambayanga angngajara'; na lannasa' ngasemmo taua allangngereki anjo apa Napangngajarranga. Nakanamo ke'nanga, “Battu kemaei anggappa pangngassengang kammaya anjo anne Taua? Battu kemaei anggappa koasa kammaya lompona Nakkulle anggaukangi gau'-gau' appakalannasaka?

MATIUS 4:13

Nabokoimi Nazaret, nampa mange ammantang ri Kapernaum, ri birinna Tamparang Galilea, ri daera Zebulon siagang Naftali.

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

MARKUS 6:1

Nabokoimi Isa anjo tampaka, nampa ammotere' mange ri kamponNa siagang ana'-ana' gurunNa.

LUKAS 2:39

Le'ba'namo nagaukang ngaseng Yusuf siagang Maria sikamma Hukkung Napassuroanga Batara, ammotere'mi ke'nanga mange ri pa'rasangang Galilea, ri Nazaret.

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.

LUKAS 4:16

A'lampa tommi Isa mange ri Nazaret, kampong le'baka Napammantangi sa'genna lompo. Kamma kabiasanNa, a'lampami mange ri balla' sambayanga ri wattunna allo Pammari-marianga. Ammentemmi ero' ammaca Kitta'.

LUKAS 4:31

Nampa a'lampa Isa mange ri kota Kapernaum ri Galilea. Naajara'mi taua anjoreng ri allo Pammari-marianga.

LUKAS 4:35

Naga'gara'mi Isa anjo setanga Nakana, “A'merekko! Assulukko battu ri antu taua!” Nipatappasa'mi anjo taua ri anjo setanga ri dallekanna ngaseng ke'nanga. Nampa assulu' baji'-baji' anjo setanga battu ri anjo taua.

LUKAS 6:42

Antekamma lakkulle nukana ri sari'battannu, ‘Maeko sari'battang, nakupasulu' anjo baru'bu' kayua lalang ri matannu,’ na nia' kayu balo' lalang ri matannu tanucinika? He, munape'! Pasuluki rolong anjo balo' niaka lalang ri matannu. Punna assulu'mo, nampami labaji' paccini'nu, siagang nampami akkulle nupasulu' anjo baru'bu' kayu lalanga ri matanna sari'battannu.”

YOHANES 4:28

Nabokoimi pammoneang je'ne'na anjo bainea anjoreng nampa lari mange ri kotaya. Nakanamo ri tau niaka anjoreng ri kotaya,

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.