LUKAS 4:22 - KITTA' MATANGKASA'

²² Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

LUKAS 4:22 Iomraidhean Croise

PAMMUJI 45:2

Kana-kana bajika assulu' tojemmi battu ri atingku, kupangngadakkangi kelongku mae ri karaenga. Sanrapang pulpenna se'rea tucara'de' annulisi', sadiai lilaku appau kana-kana baji'.

PAMMUJI 45:4

Sele'mi pa'dannu ri aya'nu, he ikau karaeng barania, sanna' malomponu siagang accayanu!

PANGNGEBARANG 10:32

Kana-kana tau te'nea pa'mai'na appakasannangi nyawa; kana-kana tau ja'dalaka tuli appakapa'risiki pa'mai'.

PANGNGEBARANG 16:21

Tau cara'deka niassengi nibatei battu ri pikkirang taranna; angngallei pa'mai' batena a'bicara, ampa'jari nipatappa' kana-kananna.

PANGNGEBARANG 25:11

Tangara' nipasuluka ri wattu coco' sikalia sanrapangi rappo bulaeng lalang ri panne pera'.

KATO'BA 10:12

Lanri kana-kananna tau cara'deka nanipakalompoi mingka panraki tau toloa lanri kana-kananna tonji.

KELONG MALA'BIRI' 5:16

Tamaka baji'na pau-pauanna, yangasenna ri kalenna angngallei pa'mai'. Kammaminjo tanringku siagang sahabakku, he sikamma tulolonna Yerusalem!

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

LUKAS 2:47

Sikontu tau allangngerekai lannasa' ngasemmi lanri sanna' cara'de'Na a'bicara.

LUKAS 2:48

Manna tau toaNa lannasa' tommi allangngereki. Nakanamo amma'Na ri Ia, “Na', angngapa Nuppanggaukang kammanne ri kambe? Sanna' lussa'na nyawaku siagang manggeNu amboyaKo mange-mange!”

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

LUKAS 4:21

Na appakkaramulamo Isa a'bicara ri ke'nanga angkana, “Anne alloa, ri nulangngere'na Kubaca, a'rupami anjo apa napaua sikamma ayaka sumpaeng.”

YOHANES 1:45

Assibuntulu'mi Filipus siagang Natanael, na nakana ri ia, “Ikambe nibuntulu'mi anjo tau le'baka nasero kana Na'bi Musa lalang Kitta' HukkunNa Allata'ala, siagang le'baka nakabarrang na'bi-na'bia. Anjo taua nikanai Isa tu battua ri Nazaret, ana'na Yusuf.”

YOHANES 6:42

Nakanamo ke'nanga, “Sai iaminne Isa, ana'naya Yusuf? Naassengi ikambe amma'Na siagang manggeNa! Antekamma lakkulle Nakana KalenNa tu manurungi battu ri suruga?”

YOHANES 7:46

Appialimi anjo pangawalaka ngaseng nakana, “Edede, tenanniakkapa tau kamma Ia a'bicara!”

LAMPA-LAMPANA 6:10

Mingka tanakulleai ke'nanga ampitompoki anjo kana napaua Stefanus, nasaba' le'ba'mi nisare Stefanus kacara'dekang ri RohNa Allata'ala, untu' a'bicara.

TITUS 2:8

Pakei kana-kana bajika, tenaya nakkulle nacalla taua, sollanna a'jari siri'-siri' balinnu, lanri tena apa-apa kodi akkullea napake ambicara kodiki'.