LUKAS 4:20 - KITTA' MATANGKASA'

²⁰ Le'baki Nabaca, Nagulung poleammi Isa anjo kittaka, naNapoterang, nampa mange ammempo. Nicinikimi Isa ri sikamma tau hadereka lalang ri balla' sambayanga.

LUKAS 4:20 Iomraidhean Croise

MATIUS 26:55

Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

MATIUS 27:60

Nampa naerang anjo maya'Na Isa mange natarawang ri jera' napareka kalenna. Anjo jeraka lalangi ri bulu' batua nipare'. Le'baki napantama' maya'Na Isa, nagulungimi batu lompo nampa natongko' pakke'bu'na anjo jeraka, nampa a'lampa.

LUKAS 19:48

Mingka lanri tuli jaina tau ampilangngeri kana-kananNa, siagang lanri nangaina ngaseng tau jaia ampilangngeri anjo kana-kana Napabattua Isa, tenamo nakkulle ke'nanga anggappa oloang anggaukangi pattujunna.

LUKAS 4:17

Na nisaremo kitta' Na'bi Yesaya. Nasungkemi anjo kitta' ta'gulunga, nampa Nagappa siagang Nabaca anne aya' angkanaya,

LUKAS 4:21

Na appakkaramulamo Isa a'bicara ri ke'nanga angkana, “Anne alloa, ri nulangngere'na Kubaca, a'rupami anjo apa napaua sikamma ayaka sumpaeng.”

LUKAS 5:3

Nai'mi Isa ri kalase'renna anjo biseanga, iamintu biseanna Simon. Nampa nasorong Simon anjo biseanga, assulukang sike'de' ri tamparanga. Ammempomi Isa ilalang ri anjo biseanga, nampa Naajara' anjo tau jaia.

YOHANES 8:2

Ammukona bari'basa', a'lampami mange ri Balla'Na Batara, siagang jaimi tau battu mae ri Ia. Ammempomi Isa, nampa Naajara' ke'nanga.

LAMPA-LAMPANA 16:13

Ri wattunna narapi' allo Pammari-marianga, a'lampa maki' mange ri biring binanga niaka ri pantaranganna pakke'bu' lompona kotaya. Nasaba' nipikkiriki angkanaya nia' tampa' passambayanganna tu Yahudia anjoreng. Ammempo maki' a'bica'-bicara siagang siapa are bai'-baine niakamo a'rappungang anjoreng ri tampaka.

LAMPA-LAMPANA 3:12

Ri wattunna nacini' Petrus anjo tau jaia, nakanamo ri ke'nanga, “E, tu Israel, angngapa nulannasa' ngaseng anciniki? Angngapa naikambe tulusu' nujanjang? Barang nukana lanri kakoasanna ikambe yareka lanri mannurukinna ikambe ri Allata'ala nakkulle a'jappa' anne taua?