LUKAS 4:2 - KITTA' MATANGKASA'

² Ammantammi anjoreng patampulo allo sallona, niso'ri ri Billisika. Patampulo alloi tamangnganrea apa-apa. Sa'genna cipuru'mi Nakasia'.

LUKAS 4:2 Iomraidhean Croise

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

1 KARAENG-KARAENG 19:8

Ambangummi Elia, nampa angnganre siagang angnginung. A'jari gassimmi nasa'ring, siagang akkullemi a'jappa patampulo allo sallona mange ri Moncong Sinai, tampa'na le'ba' ampa'nyatai KalenNa Allata'ala.

ESTER 4:16

“Passe'rei sikontu tu Yahudi niaka ri kota Susan untu' ampappala' doanganga'. Teako angnganrei siagang teako angnginungi lalang tallungallo tallumbangngi. Inakke kalengku siagang sikamma tulolo palayangku lappuasa ngaseng tonga'. Le'baki anjo, erokka' mange andallekang ri karaenga, manna nakudakkai undang-undanga. Punna padeng musti matea' passabakkang anjo, boli'mi kamma nakumate!”

KALAPPASSANG 24:18

Napatulusu'mi Musa angngambi' sa'genna antama' ri anjo rammanga. Patampulo allo patampulo bangngi ammantang Musa anjoreng.

KALAPPASSANG 34:28

Patampulo allo patampulo bangngi ammantang Musa anjoreng siagang Batara; na lalanna anjo wattua tena nangnganre siagang tena nangnginung. Anjo kana-kana parjanjianga, iamintu Sampulo ParentaNa Allata'ala, nitulisiki ri anjo batua.

YUNUS 3:7

Napasiara' tommi anne parentaya angkana, “Anne parentaya nipasuluki ri Niniwe battu ri kaputusanna karaenga siagang sikamma tumailalanga: Sikontu taua, sapia, gimbalaka siagang olo'-olo' maraengannaya tanipa'biangngai angnganre siagang angnginung.

MATIUS 21:18

Ammukona bari'basa', lalang a'jappana ammotere' mange ri kotaya cipuru'mi Isa.

MATIUS 4:2

Patampulo allo patampulo bangngi tamangnganrea Isa, sa'genna cipuru'mi.

LUKAS 4:3

Nakana Billisika ri Ia, “Sai ana'NaKo Allata'ala? Jari suromi anjo batua na'jari roti.”

YOHANES 4:6

Anjoreng nia' se're bungung, niarenga bungung Yakub. Sanna' mangnganna Isa napakamma pa'jappang. Jari assengkami ammempo ri birinna anjo bungunga. Anjo wattua kira-kira tette' sampulo anrua ri alloa.

PAOLE 9:18

Nampa su'ju'ma' pole sikalipi ri dallekanNa Batara irate ri coppo'na monconga patampulo allo siagang patampulo bangngi, tamangnganre tangnginung. Nakugaukang anjo kammaya lanri doraka mako mae ri Batara nasaba' nugaukannamo apa ja'dalaka ri dallekanNa, sa'genna a'jari larro.

PAOLE 9:25

Kuassengi angkanaya ero' tojeng-tojengi Batara angngancurukko. Jari su'ju'ma' ri dallekanNa Batara patampulo allo patampulo bangngi,

PAOLE 9:9

Angngambikka' nai' ri anjo buluka untu' annarima batu parjanjiang Napareka Batara siagang ikau. Patampulo allo siagang patampulo bangngia' ammantang irate ri anjo monconga tangnganre tangnginung.

IBRANI 2:18

Siagang lanri KalenNa le'ba' tongi Nakasia' sessaya siagang paccobaya, iaminjo nakkullemo Natulung tau natabaya paccoba. Kammami anjo carana nakkullemo Natulung sikamma tau natabaya paccoba, lanri Ia le'ba' tommi nataba paccoba siagang angkasiaki pa'risika.

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!

1 SAMUEL 17:16

Nia' patampulo allo, bari'basa' karuengi Goliat a'reppese' mange ri barisi'na Israel untu' ampa'ngarai ke'nanga.