LUKAS 4:1 - KITTA' MATANGKASA'

¹ Antama'mi RohNa Allata'ala ri KalenNa Isa ri wattunna assulu' battu ri Binanga Yordan. Nampa nipimping ri RohNa Allata'ala a'lampa mange ri parang lompoa.

LUKAS 4:1 Iomraidhean Croise

1 KARAENG-KARAENG 18:12

Punna a'lampama' battu anrinni, gassingka labattui RohNa Batara angngerangki' ri se'reang tampa' tenaya nakuassengi! Nampa punna kupauang Ahab angkanaya niakki' anrinni, nampa tena nakkulle ambuntulukki', ma'nassa lanabunoa'. Parallui kiasseng bapa', angkanaya inakke anne attojeng-tojenga' assambayang mae ri Batara baku' battu ri ca'diku!

1 KARAENG-KARAENG 19:4

nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YEHEZKIEL 3:14

KakoasanNa Batara battu mae ri nakke sanna' heba'na, siagang ri wattungku Niangka' siagang Nierang ri RohNa, atingku sanna' pai'na siagang bambanna kusa'ring.

MATIUS 3:16

Le'baki nije'ne', assulu'mi Isa battu ri je'neka ri anjo binangaya. Ti'ring tassungkemi langika, nampa nia'mo Nacini' Isa RohNa Allata'ala manurung sangkamma jangang-jangang bodobangkeng, battu attompo' irateanganNa.

LUKAS 2:27

Niulumi Simeon ri RohNa Allata'ala antama' ri Balla'Na Batara. Anjo wattua nierangi anjo Isa, ana' loloa, ri Yusuf siagang Maria antama' untu' anggaukangi pa'gaukang nipassuroanga lalang atorang agamaya.

LUKAS 3:3

Jari a'lampami Yohanes mange ri sikontu daera a'reppeseka ri Binanga Yordan, na napabattu biritta battua ri Allata'ala. Akkiok-kio'mi Yohanes nakana, “Toba' ngaseng mako battu ri dosa-dosanu, siagang musti nije'nekko, sollanna Napammopporangko Allata'ala.”

LUKAS 4:14

Le'baki anjo ammotere'mi Isa mange ri Galilea. Na nikoasai ri RohNa Allata'ala. Tassiara'mi kabara'Na ri sikontu anjo daeraya.

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

YOHANES 1:32

Napabattu tommi Yohanes anne kasa'bianga angkana, “Kuciniki RohNa Allata'ala manurung battu rate ri langika, sangkamma jangang-jangang bodobangkeng, battu ammantang irate ri Ia.

YOHANES 3:34

Nasaba' tunisuroa ri Allata'ala, Napabattui kana-kananNa Allata'ala, lanri nipassareang ngasemmi RohNa Allata'ala ri Ia.

LAMPA-LAMPANA 1:2

sa'genna ri allo ta'angka'Na nai' ri suruga. Ri tenanapa naNai' ri suruga, Nasare ngasemmi pappijo'jo' sikamma tunisuro le'baka Napile, lalang koasaNa RohNa Allata'ala.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

LAMPA-LAMPANA 8:39

Ri wattunna assulu' ammotere' ke'nanga battu lalang ri je'neka, battumi RohNa Allata'ala angngallei Filipus. Tanicinikami Filipus ri anjo pagawe tinggi battua ri Etiopia. Sanna'mi rannuna nyawana anjo pagawe tinggia, nanapatulusu' pa'lampanna.