LUKAS 3:6 - KITTA' MATANGKASA'

⁶ Lanacini'mi sikontu bonena linoa Napasalama' Allata'ala rupataua!’ ”

LUKAS 3:6 Iomraidhean Croise

YESAYA 40:5

Nalanipa'nyata kala'biranNa Batara; sikontu rupataua lanasa'bi. Tojeng, KalenNa Batara le'ba' a'janji!”

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YESAYA 52:10

Napappicinikang Batara kakoasanNa ri dallekang matanna sikontu bansaya. Nanasa'bi sikontu buttaya kasalamakkang battua ri Allata'alata.

MARKUS 16:15

Nakanamo Isa ri ke'nanga, “A'lampamako mange ri sikontu linoa, siagang pa'la'bammi Kabara' Baji' battua ri Allata'ala, mange ri sikontu rupataua.

ROMA 10:12

Anne nataba ngasengi sikontu rupataua; nasaba' tena simmaraenna tu Yahudia siagang bansa-bansa maraenga. Anjo Allata'ala se'rea, Bataranai sikontu rupataua. Napassareangi barakka'Na alla'bia jaina mae ri sikamma tau appala' tulunga mae ri Ia.

ROMA 10:18

Mingka erokka' akkuta'nang: Maka tena memang tompa nalangngereki ke'nanga anjo birittaya? Mattantu le'ba'mi! Nasaba' nia' tattulisi' lalang ri Kittaka angkanaya, “Alla'bammi sa'ranna ke'nanga ri sikontu linoa, anrapi'mi kana-kananna ke'nanga mange ri cappa'na linoa!”