LUKAS 3:21 - KITTA' MATANGKASA'

²¹ Le'ba'na ngasemmo anjo taua nije'ne', nije'ne' tommi Isa. Na ri wattunna appala' doang tassungkei langika,

LUKAS 3:21 Iomraidhean Croise

YEHEZKIEL 1:1

Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.

MATIUS 14:23

A'lampana ngasemmo tau jaia, a'lampa tommi Kale-kalenNa nai' ri se'reang bonto, mange appala' doang. Sa'genna ta'rapi' bangngia nia' iji Isa anjoreng Kale-kalenNa.

LUKAS 5:16

Le'baki anjo, a'lampami Isa mange appala' doang ri tampa' sino-sinoa.

LUKAS 9:18

Ri se'reang allo, ri wattunna appala' doang Isa Kale-kalenNa, battumi ana'-ana' gurunNa mae ri Ia. Akkuta'nammi Isa mae ri ke'nanga Nakana, “Turu' kananna taua, inaiA' anne?”

YOHANES 1:51

Nakanamo pole Isa, “Tappa' mako, angkanaya sitojeng-tojenna lanuciniki tassungke langika, siagang lanai'-naungi malaeka'-malaekaka ri Ana' Ma'rupataua.”