LUKAS 3:2 - KITTA' MATANGKASA'

² Na a'jari imang-imang lompoa, iamintu Hanas siagang Kayafas Iaminjo taunga Na'bicara Allata'ala ri parang lompoa mae ri Yohanes, ana'na Zakharia.

LUKAS 3:2 Iomraidhean Croise

YESAYA 40:3

Nia' kalangngerang sa'ra akkio' angkana, “Pasadiai oloanga ri parang lompoa untu' Batara. Lambusi agang lompoa ri parang lompoa untu' Allata'alata!

YEREMIA 1:2

A'bicara Batara mae ri Yeremia ri taung makasampulona antallu lalang ammarentana Yosia ana'na Amon karaeng Yehuda.

YEREMIA 2:1

Nasuroa' Batara ampa'la'bangi anne kabaraka mae ri sikontu tau niaka ri Yerusalem, angkanaya, “He Israel, Kuu'rangi antekamma tamamminrana pa'mai'nu ri wattunnu rungka ija; antekamma lompona pangngainnu ri wattunta rapang bunting beru. NupinawangA' mae ri parang lompoa allalo ri daera tenaya nanilamungi.

YUNUS 1:1

Ri se'reang allo a'bicarai Batara mae ri Yunus, ana'na Amitai.

MIKHA 1:1

Assala'na Mikha iamintu tubattu ri se're kota ca'di niarenga Moresyet. Ri wattu niparentana pa'rasangang Yehuda iamintu sikamma karaeng: Yotam, Ahas, siagang Hizkia; iaminjo wattua nannarima Mikha pasang battu ri Batara ri passala'na Samaria siagang Yerusalem.

ZEFANYA 1:1

Zefanya iamintu ana'na Kusyi. Pa'lo'lorang passibijanna battu rawa sa'genna nai' iamintu: Kusyi, Gedalya, Amazia, siagang Karaeng Hizkia. Iaminne pasanNa Batara mae ri Zefanya, ri wattu Karaeng Yosia ana'na Amon ammarenta ri Yehuda.

MATIUS 11:7

A'lampanamo ana'-ana' gurunna Yohanes, Nabicarami Isa mae ri anjo tau jaia passala'na Yohanes. Nakana, “Apa mange nucini' ri parang lompoa? Ruku' silawaraka nairi' anging?

MATIUS 26:3

Anjo wattua a'rappungammi imang-imang kapalaya siagang sikamma pinggawana tu Yahudia ri balla' lompona Imang Malompona Kayafas.

MARKUS 1:2

Pakkaramulanna anjo Kabara' Bajika sangkammai le'baka natulisi' Na'bi Yesaya angkanaya, “Nakana Allata'ala, ‘Iaminne tunisuroKu; Kusuroi a'lampa rioloanganNu, sollanNu nasungkeang oloang.’

LUKAS 1:80

Pila' lompomi anjo ana'na Zakharia. Pila' jarre'mi rohna. Ammantammi ri parang lompoa, sa'genna narapi' wattunna napa'nyata kalenna mae ri bansa Israel.

YOHANES 1:23

Appialimi Yohanes, nakana, “Inakke minne le'baka nasero kana Na'bi Yesaya ri wattunna angkana, ‘Tau akkio'-kioka ri parang lompoa angkana: Lappari oloang laNaoloa Batara.’ ”

YOHANES 18:24

Le'baki anjo nasuromi Hanas taua angngerangi Isa siagang tassikko' limanNa mae ri Imang Lompoa iamintu Kayafas.

LAMPA-LAMPANA 4:6

Assibuntulu' ngasemmi ke'nanga siagang Imang Malompoa iamintu Hanas, siagang Kayafas, Yohanes, Aleksander, kammayatompa sikontu bija ma'reppese'na anjo imang lompoa.