LUKAS 3:18 - KITTA' MATANGKASA'

¹⁸ Kammaminjo, na'rupa-rupamo cara napake Yohanes ampakaingaki anjo taua, na napabattu Kabara' Bajika.

LUKAS 3:18 Iomraidhean Croise

LUKAS 3:17

Nia'mi lalang limanNa pa'dinginga, untu' laNapake antapi sikamma berasaka sa'genna tangkasa'. LaNapasse'rei berasaka lalang ri pammolikanna; mingka awanga laNatunui ri pepe' tenaya nalammari rinrana!”

LUKAS 3:19

Mingka napakainga'mi Herodes, ammarentaya ri Galilea ri passala' pa'buntinganna siagang Herodias. Anjo Herodias bainenna sari'battanna niarenga Filipus. Kammayatompa ri passala' kaja'dallang maraenga, le'baka nagaukang Herodes.

YOHANES 1:15

Battui Yohanes a'jari sa'biNa, nakabarrammi angkana: “Iaminne kupaua: Laniaki battu ri bokoangangku, mingka lompoangangi nainakke, nasaba' inakke tenapa', nania' memammo Ia.”

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

YOHANES 1:34

Nakana Yohanes, “Inakkemi kalengku le'ba' anciniki, siagang inakkemi a'jari sa'bi angkanaya Iaminjo Ana'Na Allata'ala.”

LAMPA-LAMPANA 2:40

Kammaminjo napakasingaraka Petrus mae ri ke'nanga. Siagang ilalang a'rupa-rupa bicara maraengang, napakainga' tommi ke'nanga sollanna napakabella kalenna ke'nanga battu ri anne bansa ja'dalaka laNahukkunga sallang Allata'ala.

LAMPA-LAMPANA 20:2

Nakunjungimi sikamma tau tappaka ri Isa ri daera Makedonia. Jaimi pappakainga' napauangi ke'nanga, siagang napakajarre'mi tappa'na ke'nanga. Le'baki anjo a'lampami mange ri Yunani.

ROMA 12:8

Tau niaka pakkullena untu' ampakajarreki paranna tau, musti napakajarre' tojeng-tojengi paranna tau. Tau niaka pakkullena untu' assarei apa-apanna paranna tau, musti lammoro' pa'maiki, situru' siratannaya assare ri paranna tau. Tau niaka pakkullena untu' ammimping, musti ammimping tojeng-tojengi. Tau niaka pakkullena untu' ampappicinikangi pangngamaseanna mae ri paranna tau, musti napappicinikangi anjo pangngamaseanna situlusu' pa'mai'na mae ri paranna tau.