LUKAS 24:50 - KITTA' MATANGKASA'

⁵⁰ Le'baki anjo, nirurungammi ke'nanga ri Isa assulu' ri pantaranganna kotaya, sa'genna mange ri Betania bellana. Battui mange anjoreng, Naangka'mi limanNa Isa, nampa Nabarakkaki ke'nanga.

LUKAS 24:50 Iomraidhean Croise

PA'JARIANG 27:4

Bajiki palluna situru' pallu-pallu kungaia, nampa nuerang mae ri nakke. Punna le'baki kukanre, lakusareko barakka' lalang tenanapa kumate.”

PA'JARIANG 48:9

Appialimi Yusuf angkana, “Iaminne ana'-anakku, Napassareanga Allata'ala ri nakke anrinni ri Mesir.” Nakanamo Yakub, “Pa'reppeseki ke'nanga mae ri nakke sollanna kubarakkaki.”

PA'JARIANG 49:28

Iaminjo sampuloa anrua suku Israel, siagang kana-kana kala'busang napaua manggena ke'nanga ri wattunna nasare barakka' passibokoi massing-massing ke'nanga.

KAIMANGNGANG 9:22

Le'baki napassareang ngaseng anjo koro'banga, naangka'mi limanna Harun irateanna umma' Israel na nabarakkaki ke'nanga, nampa naung.

MATIUS 21:17

Le'baki anjo a'lampami Isa ambokoi ke'nanga. Assulu'mi battu ri kotaya, namange a'bangngi ri Betania.

MARKUS 10:16

Le'baki akkana kamma Isa, Naraka'mi anjo ana'-anaka, nampa massing Napadongkoki lima naNabarakkaki ngaseng ke'nanga.

MARKUS 11:1

Wattunna a'reppese'mo mange ri Yerusalem, anrapi'mi ke'nanga ri kota Betfage siagang Betania, ri pungku'na Bonto Zaitun. Anjoreng Nasuroi Isa rua ana' gurunNa a'lampa riolo.

LUKAS 24:51

Lalang Nabarakkakina ke'nanga, ta'angka'mi Isa nai' ri suruga, nampa tassa'la' battu ri ke'nanga.

LAMPA-LAMPANA 1:12

Le'baki anjo ammotere'mi anjo sikamma tunisuroa battu ri Bonto Zaitun mange ri Yerusalem. Anjo bontoa nia' kira-kira se're kilometere' bellana battu ri Yerusalem.

LAMPA-LAMPANA 1:9

Le'baki akkana kamma Isa, niangka'mi nai' ri suruga, nicini' ngaseng ri ke'nanga, sa'genna nitongko' ri rammanga natanicinikamo ri ke'nanga.

1 TIMOTIUS 2:8

Manna pole kemae, sikamma tu bura'nea kukellai assambayang siagang ati matangkasa', takkulleai nagaukang lalang kalarroang yareka passisala-salang.

YOSUA 22:6

Nampa napassareang barakka'na Yosua siagang nalappassang ke'nanga ammotere' mange ri daerana ke'nanga. Napasangi ke'nanga angkana, “Kamma-kamma anne kalumanynyang mako; angngerang mako ammotere' jai olo'-olo', pera', bulaeng, tambaga, bassi siagang pakeang. Bage-bage tongi anjo barang-barang nurampasaka lalang bundu' mange ri sikamma julu sukunu maraenga.” Jari nabokoimi suku Ruben, Gad siagang suku Manasye bageang irayaya anjo paranna tu Israel maraenga, nampa a'lampa battu ri Silo ri Kanaan mange ri butta kalenna ke'nanga ri daera Gilead. Napammantangngimi ke'nanga anjo buttaya situru' parentaNa Batara tete ri Musa. (Anjo bageruanna suku Manasye le'ba'mi natarima battu ri Musa butta niaka irayanganna Binanga Yordan, siagang bageruanna suku Manasye maraenga natarimai battu ri Yosua butta niaka ilaukanna Binanga Yordan sangkamma suku-suku maraenga.)