LUKAS 24:39 - KITTA' MATANGKASA'

³⁹ Cini'mi limangKu siagang bangkengKu. Tappa' mako angkanaya iNakkeji anne! Jamami siagang cinikimi, nasaba' setanga tena batangkalenna siagang buku-bukunna, sangkamma niaka nucini' ri Nakke.”

LUKAS 24:39 Iomraidhean Croise

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

LUKAS 23:46

Nampa ammarrang lompomi Isa Nakana, “Bapa'! Ri lalang limanTai Kupassareang KalengKu!” Le'baki akkana kamma, tappu'mi nyawaNa.

LUKAS 24:38

Mingka Nakanamo Isa, “Angngapa numalla' ngaseng? Angngapa nabata-bata lalang nyawanu?

LUKAS 24:40

Akkana kammana Isa, Napappicinikammi limanNa siagang bangkenNa ri ke'nanga.

YOHANES 20:20

Le'baki akkana kamma, Napappicinikammi limanNa siagang sa'rinNa mae ri ke'nanga. Sanna' ngasemmi rannuna ke'nanga ri wattunna nacini' Batara.

YOHANES 20:25

Nakanamo ana'-ana' gurunNa Isa maraenganga ri Tomas, “Ikambe le'ba'mi nicini' Batara!” Mingka appialimi Tomas nakana, “Punna takucinikapa bate pakua ri limanNa, natenapa nakujamai anjo bokka'Na le'baka nipaku, siagang tenapa kujappuki bokka'Na ri sa'rinNa, tena sikali kutappa'.”

YOHANES 20:27

Nampa Nakana Isa ri Tomas, “Cini'mi anne limangKu siagang jamami. Pamaemi limannu nanujama sa'ringKu. Tea' mako bata-batai, mingka tappa' mako!”

LAMPA-LAMPANA 1:3

Ri le'ba'namo attallasa' poleang battu ri kamateanga, lalanna patampulo alloa, a'mole-molei a'nyata sikali Napappicinikang KalenNa mae ri tunisuroNa, lanri ero'Na Napa'nassa angkanaya ma'nassa attallasa' poleammi battu ri kamateanga. Nicini'mi ri ke'nanga, siagang sipa'bicarami siagang ke'nanga ri passala'na Allata'ala siagang PamarentahanNa.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

IBRANI 12:9

Nia' manggeta ri lino. Naajarakki' siagang nipakala'biriki. Jari, la'biangampa mae ri Mangge rohanita, niaka ri suruga, tantu musti la'bi tundukki' mae ri Ia sollanta attallasa'.

1 YOHANES 1:1

Ia bonena anne kittaka, iamintu passala'na Kana attallasaka, iamintu Kana niaka memammo battu ri pakkaramulanna. Le'ba'mi nalangngere' siagang nacini' mata kalenna ikambe. Le'ba'mi nacini' siagang nata'gala' limanna ikambe.