LUKAS 23:7 - KITTA' MATANGKASA'

⁷ Le'ba'na nipauang ri ke'nanga angkanaya tau battui ri Galilea anjo Isa, iamintu daera kakoasanna Herodes, nikirimmi Isa ri Pilatus mae ri Herodes. Anjo wattua nia' tongi Herodes ri Yerusalem.

LUKAS 23:7 Iomraidhean Croise

MATIUS 14:1

Anjo wattua, Herodes a'jari karaeng ri pa'rasangang Galilea. Nalangngere'mi Herodes kabara'Na Isa.

MATIUS 14:3

Nasaba' le'baki pirangalloang nasuro jakkala' Herodes anjo Yohanes, nampa nasikko' na napantama' ri tarungkua. Passabakkang bainenna niarenga Herodias nanajakkala'. Na anjo Herodias, le'ba' bainenna sari'battanna iamintu niarenga Filipus, naalle nabuntingi Herodes.

MATIUS 14:6

Nia' se're wattu assua'-suaraki Herodes, ansua'-suarri allo kalassukanna. Anjo wattua nasuromi ana' tulolonna Herodias a'dansa ri dallekanna sikamma toana niaka hadere'. Nasanna' sannanna pa'mai'na Herodes anciniki lanri sanna' baji'na batena a'dansa tulolonna.

MARKUS 6:14

Sikamma kabara'na anjo kajarianga battu tommi mae ri Karaeng Herodes. Nasaba' a'la'bammi niasseng mange-mange arenNa Isa. Nia'mo tau angkana, “Attallasa' poleammi Yohanes Paje'ne'! Iaminjo saba'na na nia'mo koasana anggaukangi anjo gau'-gau' appakalannasaka.”

LUKAS 13:31

Anjo todong wattua, nia'mo siapa are tu Farisi battu mae ri Isa na nakana, “TeaKo ammantangngi anrinni! A'lampaKo mange ri tampa' maraenga, nasaba' eroki Herodes ambunoKo.”

LUKAS 23:6

Nalangngere'na Pilatus kananna ke'nanga, akkuta'nammi ri ke'nanga nakana, “Apaka anne taua tau battui ri Galilea?”

LUKAS 3:1

Ri taung makasampuloa allima ammarenta Karaeng Tiberius, Pontius Pilatus a'jari guburnur ri Yudea; na Herodes ammarenta ri Galilea; na Filipus, sari'battanna Herodes, ammarenta ri Iturea siagang Trakhonitis; na Lisanias ammarenta ri Abilene.

LUKAS 9:7

Ri wattunna nalangngere' Herodes, ammarentaya ri Galilea, sikamma anjo apa le'baka kajariang, a'jari lingumi. Nasaba' nia' tau angkana attallasa' poleammi ammotere' Yohanes Paje'ne'.

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.