LUKAS 23:5 - KITTA' MATANGKASA'

⁵ Mingka pila' nakanamo ke'nanga, “Battu ri pangngajara'Na, naNaajara' sala taua ri sikontu Yudea; appakkaramulai ri Galilea Naajara' sala taua, na kamma-kamma anne anrapi'mi mae anrinni pangngajara' salaNa.”

LUKAS 23:5 Iomraidhean Croise

PAMMUJI 22:16

Kalotoro'mi karro'-karrokku sanrapang kaca ancuruka, a'dakki'mi lilaku ri nga'ngalakku. O, Batara, angngapa naKibokoia' irate ri limbu'buka sanrapang tau mateamo.

PAMMUJI 57:4

Appiali battu ri suruga siagang Napasalamaka'; Nabetai sikamma tau anjallakkangia'. LaNapicinikianga' Allata'ala angkanaya tamamminrayai mae ri nakke, siagang tuli mangngamaseangi mae ri nakke.

PAMMUJI 69:4

Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

MATIUS 11:1

Le'baki Naajara' Isa anjo sampuloa anrua ana' gurunNa, a'lampami ambokoi anjo tampaka. A'lampami mange angngajara' siagang ampa'la'bangi pappasanNa Allata'ala ri kota-kota ambania anjoreng.

MATIUS 2:1

Anjorengi ri kota Betlehem, ri pa'rasangang Yudea, nilassukang Isa, ri wattunna Herodes ammarenta. Anjo wattua nia'mo siapa are tucara'de' accini' bintoeng, battu raya mange ri Yerusalem.

MATIUS 27:24

Kala'busanna naassemmi Pilatus angkanaya tena memang tommo maraeng akkulle nagaukang. Siagang akkullei a'jallo' anjo tau jaia punna tena niturukiangi ero'na. Jari angngallemi je'ne', nampa nabissai limanna ri dallekanna anjo tau jaia. Na nakana, “Inakke tena nakutanggongi kamateanNa anne taua! Anne urusannu ngaseng kau!”

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

MARKUS 1:14

Nitarungkunamo Yohanes, a'lampami Isa mange ri Galilea ampabattui Kabara' Baji' battua ri Allata'ala anjoreng.

LUKAS 11:53

Ri wattunna a'lampamo Isa ambokoi anjo tampaka, sanna'mi nicallana Isa ri guru-guru agamaya siagang tu Farisia. Appakkaramulami ke'nanga angngeppangi Isa sollanna pila' a'rupa-rupami pole Nabicara Isa, nakkulle sala bicaraNa.

LUKAS 23:23

Mingka pila' ammarrang lompo tojemmi ke'nanga, angkana musti nisalliki Isa. Na kala'busanna niturukiammi ero'na ke'nanga.

LUKAS 23:6

Nalangngere'na Pilatus kananna ke'nanga, akkuta'nammi ri ke'nanga nakana, “Apaka anne taua tau battui ri Galilea?”

YOHANES 1:43

Ammukona, a'lampami Isa mange ri pa'rasangang Galilea. Assibuntulu'mi siagang Filipus, na Nakana ri ia, “Maeko amminawang ri Nakke!”

YOHANES 19:15

Ammarrang-marrammi ke'nanga, angkana, “Bunoi! Bunoi! Allei Salli'!” Akkuta'nammi Pilatus nakana, “Maka musti inakke ansalliki karaennu?” Appialimi imang-imang kapalaya angkana, “Tena ruanna karaeng pantaranganna Karaenna ikambe!”

YOHANES 2:11

Iaminjo uru-uru gau' appakalannasaka Nagaukang Isa. Anjoreng ri kota Kana, ri pa'rasangang Galilea nigaukang anjo gauka. Lanri iaminjo pammateia naNapappicinikammo kalompoanNa. Tappa' ngasemmi ana'-ana' gurunNa ri Ia.

YOHANES 7:41

Na maraenganga angkanai, “Iaminne Karaeng Mappasalamaka!” Mingka nia' tommo angkana, “Ha, maka labattu anjorengi ri Galilea Karaeng Mappasalamaka?

YOHANES 7:52

Appialimi ke'nanga angkana, “Barang tu battu tongko ri Galilea? Paressami Kittaka! Lanuassemmi angkanaya tena na'bi labattu ri Galilea.” [

LAMPA-LAMPANA 10:37

Nuassemmi apa le'baka kajariang ri sikontu Yudea, iamintu appakkaramula battu ri Galilea ri le'ba'namo napassuroang Yohanes anjo pa'je'nekanga mae ri taua.

LAMPA-LAMPANA 23:10

Pila' sanna'mi ricuna anjo pa'geakkanga, sa'genna malla'mi anjo komandang pasukanga, nakana gassingka niborongi Paulus ri ke'nanga. Jari nasuromi pasukanna mange angngallei Paulus battu ri tangnga-tangngana anjo tau jaia, nampa naerang mange ri kantoro' tantaraya.

LAMPA-LAMPANA 5:33

Ri wattu nalangngere'na anggota-anggotana anjo Pangadelang Agamaya anjo apa napaua tunisuroNa Allata'ala, teaimi sipato' larrona ngaseng ke'nanga. Sa'genna assama turu' ngasemmi ke'nanga ero' ambunoi anjo sikammaya tunisuroNa Allata'ala.

LAMPA-LAMPANA 7:54

Kamma nalangngere'na anggota-anggota sidang Pangadelang Agamaya sikamma anjo napaua Stefanus, pa'risi' sikalimi nyawana ke'nanga siagang sanna' ngasemmi larrona mae ri Stefanus.

LAMPA-LAMPANA 7:57

Natongko'mi tolinna anjo anggota-anggotana sidang pangadelang agamaya, siagang ammarrang-marrang, nampa assama-sama ke'nanga ambakkai Stefanus.