LUKAS 23:49 - KITTA' MATANGKASA'

⁴⁹ Na sikamma siassenna Isa, kammayami bai'-baine amminawanga ri Ia battu ri Galilea, battu bella mami anciniki sikamma anjo apa kajarianga.

LUKAS 23:49 Iomraidhean Croise

AYUB 19:13

Napakabellai battu ri nakke bija pammanakangku; a'jari tau maraenga' mae ri sikamma passiassengangku.

PAMMUJI 142:4

Ri wattu sike'de' mami kutappu' minasa, Kiassengi angkana apa musti kugaukang. Ri oloang mustia kulaloi, a'mere'-mereki musua attannang sikko' untu' inakke.

PAMMUJI 38:11

A'dumba'-dumbaki barambangku, tenamo kagassingangku, tenamo nabaji' paccinikku.

PAMMUJI 88:18

Sikabusu'na alloa sanrapangi a'ba pangngalarroinTa angkulilingia', antammulilia' battu ri kere-keremae.

MATIUS 27:61

Mingka Maria Magdalena siagang Maria se'rea, ammantangiji ammempo andallekangi anjo jeraka.

MARKUS 15:47

Anjo wattua, niaki Maria Magdalena siagang Maria amma'na Yoses amminawang, ero' naasseng angkana kemae nitarawang maya'Na Isa.

LUKAS 23:27

Jai tau amminawang a'jappa ri bokoNa Isa – nia' todong siapa are bai'-baine. Angngarru'mi anjo bai'-bainea angkarruki Isa.

LUKAS 23:55

Ri wattunna a'lampa Yusuf angngerangi maya'Na Isa mange ri jeraka, amminawang tongi bai'-baine amminawanga ri Isa battu ri Galilea. Jari naciniki ke'nanga pammantanganna anjo jeraka. Nacini' tongi ke'nanga antekamma batena nipadongko' maya'na Isa lalang ri jeraka.

LUKAS 8:2

Kammayatompa siapa are bai'-baine le'baka napantamakki roh ja'dala' siagang tau garring na Naballei Isa, nia' tongi amminawang. Iamintu Maria nigallaraka Magdalena (le'baka napantamakki tuju setang na Nabongka assulu' Isa);