LUKAS 23:31 - KITTA' MATANGKASA'

³¹ Nasaba' punna kamma anne panggaukanna taua ri kayu attallasaka, la'biangampa pole lanagaukanga ke'nanga mae ri kayu kalotorokamo!”

LUKAS 23:31 Iomraidhean Croise

PANGNGEBARANG 11:31

Punna lannarima todong pa'balasa' tau bajika ri anne linoa, mattantumi langgappana hukkungang tau ja'dalaka siagang tau dorakaya.

YEREMIA 25:29

LaKupakaramulai anjo pangngancuranga ri kota KalengKu. Gassingka nakapangi ke'nanga angkanaya tena nalanihukkung ke'nanga. Ma'nassa lanihukkungi ke'nanga lanri laKupabattui pa'bundukanga mae ri sikontu bansaya ri sikontu linoa. INakke, Batara Kaminang Koasaya, anne akkana.

DANIEL 9:26

Ri kala'busanna anjo jammanga lanibunoi pamimping Napilea Allata'ala, padahala' tena salana. Nampa battumo tantarana sitau karaeng kassaka, na naancuru' kota Yerusalem siagang Balla'Na Batara. Anjo kala'busang jammanga labattui rapang a'ba angngeranga pa'bundukang siagang kaancurang, situru' le'baka Napattantu Allata'ala.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

LUKAS 23:30

Iaminjo wattua nalanakana taua ri bulu'-buluka, ‘Tujuma'!’ Siagang lanakana mae ri bonto-bontoa, ‘Tambungima'!’

LUKAS 23:32

Nia' pole rua tau maraeng – iamintu tau ja'dala' – naerang todong ke'nanga ero' nihukkung mate siagang Isa.

YOHANES 15:6

Inai-nai tena natuli asse're siagang iNakke, lanipelaki sanrapang anjo tangkea, nampa a'jari kalotoro'. Anjo tangke-tangke kammaya lanipasse'rei, nampa nibuang antama' ri pepeka, nampa nitunu.

IBRANI 6:8

Mingka punna rea siagang ruku'-ruku' akkatinting wassele'na anjo buttaya, tenamo matu-matunna anjo buttaya siagang lanitunrai sallang ri Allata'ala nampa ri kala'busanna lanitunui sa'genna la'busu'.

YUDAS 1:12

Ri wattunnu assua'-suara' angnganre, ia ngasemmi anjo tau kammaya anra'massiko. Nasaba' tena siri'na ke'nanga angnganre siagang sanna' angngoana; kaparalluang kalennaji bawang najampangi ke'nanga. Sanrapangi ke'nanga rammang nairika anging mingka tena nappaturung bosi. Sanrapang tongi ke'nanga poko' kayu tenaya na'rappo manna pole nawattu pa'rappoammo; sanrapangi poko' kayu le'bakamo nibi'bu' siagang mate taba sikalimi.