LUKAS 23:22 - KITTA' MATANGKASA'

²² Akkio'mi pole Pilatus makapintallunna mae ri ke'nanga angkana, “Mingka apa kasalanna? Tena sikali manna sirupa kasalanna kugappa ampassiratangi nihukkung mate! Lakucambo'mi bawang nampa kulappassang.”

LUKAS 23:22 Iomraidhean Croise

LUKAS 23:14

Nampa nakana ri ke'nanga, “Nuerangi anne taua mae ri nakke, nanukana Napasala oloangi tau jaia. Na kamma-kamma anne kuparessami ri dallekannu ngaseng, mingka tena sikali manna se're kasalanna kugappa, sangkamma nutuduangi.

LUKAS 23:16

Jari lakusuro cambo' mami anne taua nampa kulappassang.” [

LUKAS 23:20

Lanri eroki Pilatus allappassangi Isa, a'bicarami pole mae ri anjo tau jaia.

LUKAS 23:21

Mingka ammarrang-marrammi pole ke'nanga angkana, “Allei Salli'! Allei Salli'!”

LUKAS 23:23

Mingka pila' ammarrang lompo tojemmi ke'nanga, angkana musti nisalliki Isa. Na kala'busanna niturukiammi ero'na ke'nanga.

LUKAS 23:4

Nakanamo Pilatus ri imang-imang kapalaya siagang anjo tau jaia, “Tena sikali kugappa manna se're kasalanna anne taua lampassiratangi nihukkung.”

1 PETRUS 1:19

passangalinna apa sannaka lompona anggaranna; iamintu KalenNa Almasi, a'jaria sanrapang gimbala' tenaya callanna, nikoro'bangkanga mae ri Allata'ala.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.