LUKAS 22:4 - KITTA' MATANGKASA'

⁴ Jari a'lampami Yudas mange sipa'bicara siagang imang-imang kapalaya kammayatompa sikamma kapala pangawalaka ri Balla'Na Batara. Nabicarami ke'nanga angkanaya antekamma batena Yudas ampassareangi Isa mae ri ke'nanga.

LUKAS 22:4 Iomraidhean Croise

MATIUS 26:14

Nia'mo kalase'renna anjo sampuloa anrua ana' gurunNa Isa, iamintu Yudas Iskariot, a'lampa mae ri imang-imang kapalaya.

LUKAS 22:5

Teaimi sipato' rannuna ke'nanga, siagang nijanjimi lanisare doe' Yudas ri ke'nanga.

LUKAS 22:52

Le'baki anjo Nakanamo ri imang-imang kapalaya siagang perwira-perwira pangawala'na Balla'Na Batara, kammayatompa ri pamimping-pamimpinna tu Yahudi battua ero' anjakkalaki, “Apa nucini' tau ja'dalakKa', sa'gennu battu ngaseng angngerang pa'dang siagang palu-palu ero' anjakkalakKa'?

LAMPA-LAMPANA 4:1

Lalang a'bicarana ija Petrus siagang Yohanes mae ri anjo taua ngaseng, battumi imang-imang kapalaya, komandang pajagaya ri Balla'Na Batara, kammayatompa tu Sadukia mae ri ke'nanga.

LAMPA-LAMPANA 5:24

Ri wattunna nalangngere' perwira pangawalaka ri Balla'Na Batara siagang imang-imang kapalaya anjo laporanga, lingumi ke'nanga annawa-nawai passala'na anjo tunisuroNa Allata'ala. Siagang malla'mi ke'nanga ampikkiriki angkana apa are kutadeng lakajariang.

LAMPA-LAMPANA 5:26

Jari a'lampami perwira pangawala'na Balla'Na Batara siagang pangawalaka ngaseng, mange angngallei ammotere' anjo sikamma tunisuroNa Allata'ala. Mingka tena nanaerang passai ke'nanga, lanri mallaki ke'nanga ri tau jaia; gassingka nisambilai sallang batu ke'nanga ri anjo tau jaia.