LUKAS 22:35 - KITTA' MATANGKASA'

³⁵ Le'baki anjo Nakanamo Isa ri ke'nanga, “Pirangalloang, ri wattunnu Kusuro a'lampa, tena Kukellaiko angngerang pammoneang doe', kocikang yareka sapatu. Apaka kakurangangko anjo wattua?” Appialimi ke'nanga angkana, “Tena!”

LUKAS 22:35 Iomraidhean Croise

PA'JARIANG 48:15

Le'baki anjo nabarakkakimi Yusuf, nakana, “Allata'ala, Iami Batara napakalompoa Abraham siagang Ishak, Iami anrurunganga' sa'genna kamma-kamma anne;

1 KARAENG-KARAENG 11:22

Akkuta'nammi karaenga angkana, “Angngapai? Apaka kakurangangko anrinni, sa'gennu ero' ammotere' mange ri pa'rasangannu?” Appialimi Hadad angkana, “Tena nakukakurangang apa-apa, mingka lappassamma' a'lampa.” Jari ammotere'mi mange ri pa'rasanganna.

PAMMUJI 23:1

Pammujina Daud. Batara sanrapang pakalawaki mae ri kalengku, tena kukakurangang.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

LUKAS 10:4

Teako angngerangngi pammoneang doe', yareka purukang pammoneang passidakka, yareka sapatu. Teako ammantangngi ri tangngana aganga untu' assare sallang manna pole ri nai.

LUKAS 22:34

Mingka Nakanamo Isa, “Tappa' mako Petrus, angkanaya tenapa nattingkoko janganga, nanupintallummo ansassaliA'.”

LUKAS 22:36

Nakanamo pole Isa, “Mingka kamma-kamma anne, inai-nai nia' pammoneang doe'na, yareka kocikanna, musti naerangi; siagang inai-nai tena pa'danna, musti nabalukangi jubana, nammalli pa'dang.

LUKAS 9:3

Nakanamo Isa ri ke'nanga, “Teako angngerangngi apa-apa lalang ri pa'lampannu. Teako angngerangngi takkang, yareka purukang pammoneang passidakka, yareka kanre, yareka doe', yareka ruanglawara' pakeang.

2 KORINTUS 8:15

Nia' tattulisi' lalang ri Kittaka angkanaya, “Tau jaia panggappana, tena nakala'biang, na tau sike'deka panggappana, tena nakakurangang.”

PAOLE 8:16

Ri parang lompoa Nasareko manna untu' a'jari kanrenu, iamintu kanre tenaya naassengi boe-boenu. Nagaukangai Batara kammaya anjo lanri ero'nu naso'ri siagang nakellaina tuna pa'mai'nu, sollanna akkulle a'gau' baji' mae ri kau ri kale'bakkanna.