LUKAS 22:31 - KITTA' MATANGKASA'

³¹ Nakanamo Isa mae ri Simon, “O Simon, o Simon, pilangngeri sai! Nikellaimi Billisika anso'ri ngasengko. Sangkamma punna nipasisa'la' asea siagang awanna, kamma tomminjo lanipasisa'laki bajika siagang kodia.

LUKAS 22:31 Iomraidhean Croise

YESAYA 28:28

Ri wattunna nalessoro' anjo gandunga, tena napatunrung tulusu'na sa'genna ancuru'. Tena! Naassengi antekamma carana allessoroki siagang baji'; a'dongkoki rate ri karobaya natenaja naancuru' lisere'na anjo gandunga.

AMOS 9:9

LassareA' parenta siagang laKutapi bansa Israel rapang tau attapi gandung lalang ri pattapia. Untu' ampela' kabusuki tenaya bua'-bua'na battu ri ke'nanga, laKugoccangi ke'nanga ri alla'na bansa-bansaya.

ZAKHARIA 3:1

Lalang ri paccini' maraengannaya pole, Napappicinikangi Batara mae ri nakke Imang Malompoa Yosua, sitabanga ammenteng ri dallekanna malaeka'Na Batara. Ri sa'rinna Yosua, niaki Setanga sadia untu' antudui kalenna Yosua.

MATIUS 26:30

Le'baki anjo, akkelong-kelommi ke'nanga se're kelongang pammuji ri Allata'ala. Nampa a'lampa ke'nanga mange ri Bonto Zaitun.

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

LUKAS 10:41

Appialimi Isa Nakana, “Marta, Marta, angngapa na nubata-bata kamma siagang angngapa na'rupa-rupa kamma sibu' nunawa-nawa?

LAMPA-LAMPANA 9:4

Tu'guru'mi Saulus naung ri buttaya, nampa nia' sa'ra nalangngere' angkana ri ia, “O Saulus, Saulus! Apa saba'na nanusessa kamma duduA'?”

1 KORINTUS 5:5

Musti nupassareangi anjo taua mae ri Billisika; sollanna panra' tubuna siagang lanri kammana nanipasalama' rohna ri wattu battuna pole ammotere' Batara.

2 KORINTUS 2:11

Nakugaukang anjo kammaya, sollanna takkullea Billisika anggappa kasampatang angkoasaiki'; nasaba' niassemmi sikamma ero'na anjo Billisika.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

PAPPICINI' 12:10

Nampa nia' kulangngere' sa'ra lompo ri suruga angkana, “Iaminne wattunna Napasalama' Allata'ala umma'Na! Kamma-kamma anne Napappicinikammi kakoasanNa Allata'ala salaku Karaeng! Kamma-kamma todong minne naNapappicinikang kakoasanNa anjo Karaeng Mappasalama' nipa'janjianga! Nasaba' nipasulu'mi battu ri suruga anjo antuduai allo bangngi sari'battanta ri dallekanNa Allata'ala.