LUKAS 22:30 - KITTA' MATANGKASA'

³⁰ Lanri kammana, akkulle tommako amminawang a'rannu-rannu siagang iNakke ri wattungKu a'jari Karaeng. Siagang lammempo ngaseng tommako irate ri sampuloa anrua empoang kala'birang, untu' ammarenta ri sampuloa anrua bansa Israel.”

LUKAS 22:30 Iomraidhean Croise

2 SAMUEL 19:28

Sikontu kaluargana manggena atanta siratangi kihukkung mate, mingka anne inakke atanta ba'lalo kisarea' pangngellai sipangnganreang ri balla' kakaraenganga. Kamma-kamma anne tabaraniami atanta appala' ija apa-apa battu ri katte karaeng.”

PAMMUJI 49:14

Kammaminjo sarenna tau ampattoangiai kalenna, siagang allo ri bokona tau sukkuka nasa'ring ri kana-kananna.

MATIUS 19:28

Nakanamo Isa ri ke'nanga, “Tappa' mako angkanaya: Ri Lino Berua, lammempoi Ana' Ma'rupataua irate ri empoang kala'biranNa. Anjo wattua sallang, ikau ngasemmi ana'-ana' gurungKu lammempo irate ri sampuloa anrua empoang kala'birang. Na ikaumi langngadeli sampuloa anrua suku ri bansa Israelka!

MATIUS 5:3

“Mate'nei tau tanjenga ri Allata'ala lanri naassenna kalenna tau tena kullena; nasaba' iami a'jari umma'Na Allata'ala!

MATIUS 8:11

Memang, jai tau lania' battu iraya siagang battu ilau' ero' a'rannu-rannu siagang Abraham, Ishak, siagang Yakub, lalang ri Lino BeruNa Allata'ala.

LUKAS 12:37

Teai sipato' upa'na ngaseng palayang-palayang nirapikanga sadia attayang ri wattunna battu karaenna. Patappa'mi angkanaya: lasadiai anjo karaenga assuroi anjo palayang-palayanga ammempo, nampa nasuro layani kalenna anjo karaenga.

LUKAS 14:15

Ri wattunna nalangngere' tau naaganga sipangnganreang akkana kamma Isa, nia'mo kalase'renna ke'nanga angkana, “Upa' sikali tau sipangnganreanga Allata'ala punna battu sallang salaku Karaeng!”

2 TIMOTIUS 2:12

Punna tuli sa'barakki' lammarenta tommaki' siagang Ia. Punna tanitarimayai, talaNatarimaya tommaki'.

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.

PAPPICINI' 19:9

Nampa nakana anjo malaekaka mae ri nakke, “Tulisiki anne: ‘Maupaki sikamma tau le'baka nibuntuli mae ri passua'-suarranna pa'buntinganNa anjo Ana' Gimbalaka.’ ” Nampa nasambung pole anjo malaekaka angkana, “Iaminne biritta tojenga, battua ri Allata'ala.”

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

PAPPICINI' 4:4

Na nia' todong ruampulo angngappa' empoang kala'birang maraengang angkulilingi anjo empoang kala'birang se'rea. Anjoreng nia' ammempo ruampulo angngappa' pamimping ammakeang kebo', siagang ammake songko' bulaeng.