LUKAS 22:18 - KITTA' MATANGKASA'

¹⁸ nasaba' parallui nuasseng angkanaya: appakkaramula ri kamma-kammaya anne, tenamo nalaKuinung pole anne anggoroka, sa'genna Napa'nyata tojeng-tojemmo koasaNa Allata'ala.”

LUKAS 22:18 Iomraidhean Croise

PAMMUJI 104:15

nappa'nia' wassele' je'ne' anggoro' appakasannanga. Kammayatompa minynya' zaitun ampa'jari accayai tanja'na, siagang kanre assareai ke'nanga kagassingang.

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

YESAYA 25:6

Ri Bulu' Sion, lappasadiai Batara Kaminang Makoasaya parjamuang untu' sikontu bansaya ri lino. Appatalai kanre kaminang nyamanga siagang anggoro' nipilea.

YESAYA 55:1

Nakana Batara, “Mae ngasengko sikamma tau turerea, angnginung mako battu ri je'ne' nipasadiaya. Battu mako mae tau tenaya doe'na tarimai gandunga nuta'bayarra, siagang angnganre mako! Anggoroka siagang dadika sadiai, alle bawang-bawammi.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

ZAKHARIA 9:15

Umma'Na mattantu laNasarei pa'la'langngang, sa'genna akkulle nabeta ke'nanga sikontu musua. Sanrapang pakkio'na tau nasa'ringa lanri angnginung, kammaminjo pakkio'na ke'nanga lalang pa'bundukang. Sanrapang cera' nitumpaya irate ri tampa' pakkoro'bangnganga, kammaminjo tattumpana cera'na musunna ke'nanga.

ZAKHARIA 9:17

Tamaka baji'na buttaNa Batara sallang, teai sipato' baji'na siagang ga'gana! Anjorengi coppong sikali timbona anggoroka siagang gandunga, sa'genna pila' katambang gassinna turungkaya siagang tuloloa.

MATIUS 16:18

Lanri kammana, siratangi nuasseng angkanaya, ikau mintu Petrus, batu makassaka. Iratemi ri tompo'na anne batu pa'dongkokanga laKupaenteng garejaKu, tenaya lambetai, manna pole kamateanga.

MATIUS 26:29

Patappaki: Pakkaramula anne wattua, tenamo Kulangnginung anggoro' sa'genna narapi' wattunna Kuinung anggoro' berua siagang ikau ngaseng lalang ri Lino BeruNa ManggeKu.”

MARKUS 14:23

Le'baki anjo angngallemi se're canteng pangnginungang anggoro'. Appala' sukkuru'mi ri Allata'ala, nampa Napassareang anjo canteng le'baka nabonei anggoro' mae ri ana'-ana' gurunNa. Nainummi ana'-ana' gurunNa anjo anggoroka.

MARKUS 14:25

Patappa'mi angkanaya: Tenamo nalaKuinung pole anne anggoroka, sa'genna narapi' wattungKu angnginung anggoro' beru siagang ikau ngaseng, lalang ri Lino BeruNa ManggeKu.”

MARKUS 15:23

Anjoreng nasaremi ke'nanga Isa anggoro' nicampuruka mur, mingka taerokai Isa angnginungi anjo anggoroka.

MARKUS 9:1

Nakana Isa, “Assemmi angkanaya, ri alla'nu anne niaka anrinni kamma-kamma anne, nia' tena nalamate, ri wattu tenanapa naciniki Allata'ala ammarenta siagang kakoasanNa!”

LUKAS 21:31

Kamma tomminjo, punna nucini'mo kajariang sikamma anjo passalaka, lanuassemmi angkanaya tasalloami nalappakkaramula ammarenta Allata'ala salaku Karaeng.

LUKAS 22:16

Nasaba', patappa'mi angkanaya: Tenamo nalaKukanre pole anne kanre Paskaya sa'genna nipa'nyata battuanna ri Lino Beruna Allata'ala.”

LUKAS 9:27

Assengi angkanaya: nia' tau anrinni ri alla'nu tenapa nalamate punna tenapa naciniki Allata'ala ammarenta.”

KOLOSE 1:13

Le'ba' maki' Nalappassang battu ri kakoasanna masassanga, nampa napalettekki' antama' ri pamarentahanNa Ana'Na Nakamaseanga.

HAKING-HAKING 9:13

Mingka appialimi poko' anggoroka angkana, ‘Masakang musti lakupammari assare wassele' anggoro' ampakasannangai pa'mai'na rewata-rewataya siagang rupataua, lanri poro la'jari karaennu!’