LUKAS 21:19 - KITTA' MATANGKASA'

¹⁹ Punna sa'barakko siagang attahangko, lanipasalamakko.”

LUKAS 21:19 Iomraidhean Croise

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

PAMMUJI 40:1

Untu' pamimping pakelong. Pammujina Daud.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

MATIUS 10:22

Lanikabirisiko ri tau jaia passabakkang amminawannu ri Nakke. Mingka inai-nai tuli attahang sa'genna kala'busang tallasa'na, iami lanipasalama'.

MATIUS 24:13

Mingka inai-nai attahang sa'genna kala'busang tallasa'na, iami lanipasalama'.

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

ROMA 5:3

Ba'lalo, akkulleki' a'rannu-rannu lalang ri kapa'risanga, nasaba' niassemmi angkanaya anjo kapa'risanga ampa'jariki' majarre';

ROMA 5:4

na anjo majarreka ampa'jariki' tau attahanga ri paccobaya; iaminne assareki' panrannuang.

ROMA 8:25

Mingka punna ma'minasaki' ri apa-apa tenayapa nigappai, paralluki sa'bara' antayangi anjo niminasaia.

2 TESALONIKA 3:5

Poro Narurungangko Batara sa'genna pila' la'bi nupahang pangngamaseanNa Allata'ala siagang kasa'barrang Napassareanga Almasi mae ri kau.

IBRANI 10:36

Paralluko sa'bara', sollanna akkulle nugaukang ero'Na Allata'ala. Na lanri kammana lanutarimai apa Napa'janjianga Allata'ala.

IBRANI 6:11

Kikellai sollanna tuli massing lompo sumanga'nu sa'genna kala'busang, sa'genna akkulle nutarima anjo apa-apa numinasaia.

IBRANI 6:15

Attayammi Abraham siagang sa'bara', sa'genna natarimamo anjo apa Napa'janjianga Allata'ala mae ri ia.

YAKOBUS 1:3

Nasaba' nuassemmi, angkanaya punna attahangko ri tappa'nu mae ri Batara ri wattunnu nataba paccoba, wassele'na iamintu: a'jari mako tau sa'bara'.

YAKOBUS 1:4

Boli'mi kamma pila' katambang sa'bara'nu sa'gennu a'jari makassa' siagang sukku' kammayatompa tenamo apa-apa kakurangannu.

2 PETRUS 1:6

siagang sipa'rurunganna pangngassenganga, parallu tongko akkulle ampakalewai kalennu, siagang sipa'rurunganna ampakalewai kalennu, parallu tongko ampa'biasai kalennu sa'bara' andallekangi sikontu apa-apaya. Sipa'rurunganna sa'baraka andallekangi sikontu apa-apaya musti nuturuki tongi ero'Na Allata'ala lalang ri katallassannu.

PAPPICINI' 1:9

Inakke Yohanes, sari'battannu ngaseng, nuaganga' a'julu sessa sangkamma nakasiaka sikontu tau amminawanga ri Almasi. Sa'barakki' angkasiaki kasessanga, lanri ikatte anne umma'Naki'. Nipelakka' mange ri Pulo Patmos passabakkang kupa'la'bangi pappasang battua ri Allata'ala, Napakajarreka Isa lalang ri kasa'bianNa.

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”

PAPPICINI' 14:12

Lalang ri anne passalaka parallui a'jari sa'bara' Umma'Na Allata'ala, ia amminawang turuka ri parentaNa Allata'ala siagang tamamminraya mae ri Isa.

PAPPICINI' 3:10

Lanri nuturukimi apa Kuparentakanga mae ri kau, iamintu Kukellaiko tamalanrea, laKujagai mako ri kasusaang lantujuai sallang sikontu linoa. Lakajariangi anjo sikammaya, untu' a'jari paccoba mae ri sikontu rupataua ri lino.