LUKAS 21:16 - KITTA' MATANGKASA'

¹⁶ Lanisassaliko ri anrong-manggenu, yareka ri sari'battannu, yareka ri bija-bijannu, siagang ri agang-agannu. Nia' siapa are jaina tau ri kau lanibuno ri ke'nanga.

LUKAS 21:16 Iomraidhean Croise

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

YEREMIA 9:4

Musti tutui taua, manna pole ri aganga tonji siagang manna sari'battang polong parruka takkulle ngaseng nipatappa'. Nasaba', sangkamma Yakub kamma tomminjo ke'nanga, massing natipui sari'battanna. Tunggala' taua a'jappai mange-mange untu' appasiara' pitina siagang balle-balle.

MATIUS 10:21

Nia' sallang wattunna nakajariang nania' tau ampassareangi sari'battanna nasuro buno; yareka tau toa ampassareangi ana'na nasuro buno. Ana'-anaka lanaewai anrong manggena, siagang nasuro bunoi ke'nanga.

MARKUS 13:12

Lanapassareangi taua sari'battang kalenna nasuro buno; kammayatompa se'rea mangge lanapassareangi ana' kalenna nasuro buno. Ana'-anaka lanaewai siagang lanapassareangi nasuro buno anrong-manggena.

LUKAS 12:53

Manggea lasiewai ana'na bura'nea, siagang ana'-ana' bura'nea lanaewai manggena. Lasiewai ammaka siagang ana'na bainea, siagang ana'-ana' bainea lanaewai amma'na. Matoang bainea lanaewai mintu bainena, siagang mintu bainea lanaewai matoang bainena.”

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

LUKAS 21:17

Lanikabirisiko ri tau jaia passabakkang amminawangko ri Nakke.

LAMPA-LAMPANA 12:2

Iami amparentakangi, nanibunomo siagang pa'dang sari'battanna Yohanes, iamintu Yakobus.

LAMPA-LAMPANA 7:59

Lalang nasambilana ke'nanga Stefanus, akkio'mi Stefanus, nakana, “O Batara Isa, Kitarimami nyawaku!”

PAPPICINI' 12:11

Le'ba'mi nibeta ri sari'battanta tete ri cera'Na anjo Ana' Gimbalaka, siagang tete ri katojenganna anjo biritta battua ri Allata'ala, ia le'baka napa'la'bang ke'nanga. Rellai ke'nanga angkoro'bangkangi kalenna sa'genna mate.

PAPPICINI' 2:13

Kuassengi angkana kemaeko ammantang. Lalangko ammantang ri tampa' kakoasanna Billisika. Tamamminrayako mae ri Nakke. Ba'lalo, ri wattunna nibuno Antipas ri Billisika ri dallekannu, iamintu sa'biKu tamamminraya, tena todong nanussassala' angkanaya tappakko mae ri Nakke.

PAPPICINI' 6:9

Le'baki anjo Nareppe'mi anjo Ana' Gimbalaka segele' makalimaya. Kucini'mi irawanganna anjo tampa' koro'banga nyawana ngaseng anjo tu nibunoa lanri najarrekinna anjo biritta battua ri Allata'ala tete ri kasa'bianna ke'nanga.