LUKAS 21:15 - KITTA' MATANGKASA'

¹⁵ INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

LUKAS 21:15 Iomraidhean Croise

PANGNGEBARANG 2:6

Batarami assare kacara'dekang; battu ri Iami rupataua anggappa pangngassengang siagang pammahang.

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.

YEHEZKIEL 29:21

Punna kajariang anjo passalaka, laKupa'jari Israel bansa kassa', siagang akkulle mako ikau Yehezkiel, laluasa a'bicara, sa'genna sikontu taua akkulle mako napilangngeri. Jari naassemmi ke'nanga angkanaya iNakkemi Batara.”

LUKAS 12:12

Nasaba' punna narapi'mo wattunnu la'bicara, laniajara' mako ri RohNa Allata'ala apa siratanga nupau.”

LUKAS 21:16

Lanisassaliko ri anrong-manggenu, yareka ri sari'battannu, yareka ri bija-bijannu, siagang ri agang-agannu. Nia' siapa are jaina tau ri kau lanibuno ri ke'nanga.

LUKAS 24:45

Le'baki anjo Nasungkeammi Isa pikkiranna ke'nanga, sollanna akkulle napahang battuanna Kittaka.

LAMPA-LAMPANA 2:4

Nikoasai ngasemmi ke'nanga ri RohNa Allata'ala, sa'genna appakkaramulamo akkulle a'bicara lalang a'rupa-rupa bicara. Akkullemi a'bicara ke'nanga situru' apa nisareangai ri RohNa Allata'ala untu' lanapau.

LAMPA-LAMPANA 24:25

Mingka ri wattunna narapi' nabicara Paulus passala' kalambusanga siagang antahangi kacinnanga, kammayatompa passala' hukkungang labattua punna Allo Kiama', a'jari malla'mi Feliks. Jari nakanamo Feliks, “Kamma-kamma anne akkulle mako a'lampa. Lakusuro kio' jako antu pole punna nia' wattu.”

LAMPA-LAMPANA 26:28

Nakanamo Agripa mae ri Paulus, “Nukana gampanga' lanupa'jari tu Karisteng silalonna?”

LAMPA-LAMPANA 6:10

Mingka tanakulleai ke'nanga ampitompoki anjo kana napaua Stefanus, nasaba' le'ba'mi nisare Stefanus kacara'dekang ri RohNa Allata'ala, untu' a'bicara.

EFESUS 6:19

Siagang inakke pole, pappala' doangang tonga'; sollanna punna a'bicara', Nasarea' Allata'ala kana-kana cocoka lakupau. Kammayatompa nakubarani ampaui anjo rahasiana Kabara' Bajika.

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.