LUKAS 21:10 - KITTA' MATANGKASA'

¹⁰ Nampa Nasambungi bicaranNa Isa Nakana, “La'bunduki se'rea bansa siagang bansa maraenga, yareka se'rea pa'rasangang lanabunduki pa'rasangang maraenga.

LUKAS 21:10 Iomraidhean Croise

YESAYA 19:2

Nakana Batara, “LaKupa'jari pa'bundukanga ri para tussari'battanga ri Mesir: Sari'battang ambaliangi sari'battanna, siampi' balla'na ambaliangi siampi' balla'na, kota se'reanga ambaliangi kota maraenganga siagang kakaraengang se'rea ambaliangi kakaraengang maraengannaya.

ZAKHARIA 14:13

Ri anjo alloa laNapa'jari lingui Batara sikamma anjo bansa-bansaya siagang a'jari sanna' malla'na ke'nanga, sa'genna tunggala' taua lanajakkalaki aganna niaka ri sa'rinna na nabuccu'.

MARKUS 13:8

Se'rea bansa la'bunduki siagang bansa maraenga. Se'rea pa'rasangang lanabunduki pa'rasangang maraenga. Kemae-kemae lata'ge'gosoki buttaya siagang lanaallei taua kacipurang. Na yangasenna anjo nampami pammatei pakkaramulanna kasusaanga siagang sessaya sanrapang pa'risi' nakasiaka tu baine eroka ammana'.

LUKAS 21:11

Lata'ge'gosoki buttaya ri kere-keremae. Lanaallei cipuru' siagang lanatabai garring sikamma rupataua. Nia' lakajariang apa-apa sannaka appakamalla'na rate ri langika.

LUKAS 21:9

Tea tongko mallakki punna allangngerekko kabara' pa'bundukang siagang passisala-salang. Ia ngaseng minjo musti kajariang rolong. Mingka tenapa nakkulle nikana narapi'mi wattu allo kiamaka.”

LAMPA-LAMPANA 11:28

Kalase'renna ke'nanga niarengi Agabus. Lanri pangngajara'Na RohNa Allata'ala, natappu riolomi angkanaya lakajariangi sallang ri sikontu linoa kacipurang lompoa. (Na anjo napakkanaya kajariang tojemmi ri wattunna Karaeng Klaudius ammarenta.)

IBRANI 12:27

Bicara angkanaya “sikalipi pole” Napa'nassai angkanaya lanigoccangi siagang lanipelaki sikontu lino le'baka nipare', sa'genna ia mami ammantang sikamma tenaya nakkulle ta'goccang.