LUKAS 20:36 - KITTA' MATANGKASA'

³⁶ Lasangkammami malaeka' siagang talamateami ke'nanga. La'jarimi ana'-ana'Na Allata'ala ke'nanga, nasaba' nipattallasa' poleammi ke'nanga battu ri kamateanga.

LUKAS 20:36 Iomraidhean Croise

YESAYA 25:8

LaNaancuruki Batara Kaminang Makoasaya anjo kamateanga sa'genna satunggu-tungguna! LaNasapui sikamma je'ne' mataya battu ri rupaya, siagang Napakabella kahinanga ia natanggonga umma'Na ri sikontu buttaya. Batara anne le'ba' akkana kamma, na mattantu lakajarianna anjo passalaka.

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

ZAKHARIA 3:7

“Punna mannurukiko ri hukkung-hukkungKu siagang nugakang sikamma tugasa' Kupassareanga mae ri kau, situlusu'nu lakkulle a'jari pamimping ilalang ri Ballakku siagang angngurusuki paranglakkenna. LaKupilangngeri sikamma pappala' doannu, sangkamma Kupilangngerinna pappala' doanna sikamma malaeka' niaka ri ampikKu.

MATIUS 22:30

Nasaba' punna attallasa' poleangi sallang tau matea, tenamo nala'bunting poleang ke'nanga. Passangalinna lakammami ke'nanga malaekaka ri suruga.

MARKUS 12:25

Nasaba' punna attallasa' poleang tau matea, tenamo nala'bunting pole. Passangalinna lattallasa' kamma mami malaekaka ri suruga.

ROMA 8:16

RohNa Allata'ala siagang rohna kalenta ampa'nassai angkanaya a'jari maki' ana'-ana'Na Allata'ala.

1 KORINTUS 15:26

Musu kaminang kala'busanga lanipasomba, iamintu kamateanga.

1 KORINTUS 15:42

Kammami anjo alarapanna sallang sikamma tau matea punna nipattallasa' poleang ammotere'. Anjo tubua ri jeraka akkullei a'jari botto', mingka anjo tubu nipattallasa' poleanga ammotere' sallang, iamintu tubu tenaya nakkulle a'jari botto'.

1 KORINTUS 15:49

Sangkamma todong ri kamma-kammaya anne sanrapangki' Adam buttaya assala'na, kamma tomminjo sallang la'jari sanrapang tommaki' anjo battua ri suruga.

FILIPI 3:21

Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.

PAPPICINI' 20:6

Maupaki sikamma tau nipattallasa' poleanga todong ri anjo wattu bungasaka. Iami ke'nanga siratang a'jari taunNa Allata'ala. Tenamo nakoasa kamateang makaruaya mae ri ke'nanga. La'jarimi ke'nanga imang-imanNa Allata'ala siagang imang-imanNa Almasi; na lammarentamo ke'nanga siagang Ia sa'genna sisa'bu taung sallona.

PAPPICINI' 21:4

LaNasapui sikamma je'ne' mata niaka ri matanna ke'nanga. Tenamo nalania' kamateang; tenamo si'na, karru', kammayatompa garringa latena ngaseng tommi. Sikontu apa-apa salloa lanynya' ngasemmi.”

PAPPICINI' 22:9

mingka nakanamo mae ri nakke, “Teako! Teako anynyombai ri nakke! Allata'alamo nusomba! Nasaba' inakke ata tonja' sangkamma ikau, sangkamma sikontu sari'battannu na'bi-na'bia, kammayatompa sikontu tau amparhatikangai sikamma pappakaingaka lalang ri anne kittaka!”