LUKAS 20:35 - KITTA' MATANGKASA'

³⁵ Mingka tau siratanga nipattallasa' poleang battu ri kamateanga, siagang lattallasaka sallang ri jammang labattua, tenamo nala'bunting.

LUKAS 20:35 Iomraidhean Croise

MATIUS 12:32

Punna nia' tau ambali-bali Ana' Ma'rupataua, akkulleji nipammopporang; mingka punna nahinai Rohna Allata'ala, takkulleami nipammopporang ri kamma-kammaya anne kammayatompa ri ahera' sallang!”

MATIUS 22:29

Appialimi Isa Nakana, “Sala pikkirang ngasengko antu. Nasaba' tena nupahangi bonena Kittaka siagang koasaNa Allata'ala.

MARKUS 10:42

Jari Nakio' ngasemmi Isa ke'nanga, nampa Nakana ri ke'nanga, “Nuassengi angkanaya pamimping-pamimpinga siagang tau malompona bansa tenaya naassengi Allata'ala, najallakkangi ra'ya'na.

MARKUS 12:24

Appialimi Isa Nakana, “Sala pahang sikaliko antu. Nasaba' tena nupahangi bonena Kittaka siagang koasaNa Allata'ala.

LUKAS 16:8

Jari nipujimi ri karaenna anjo pagawe ammolika doe' tenaya nalambusu' ri jama-jamanna, lanri cara'de'na a'boya akkala'. Nasaba' cara'dekangangi tau ammantanga lalang lino angngurusuki urusanna kala tau ammantanga lalang ri singaraka.”

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

YOHANES 5:29

nampa assulu' ke'nanga battu lalang ri jeraka. Na inai-nai le'ba' a'gau' baji', lambangung poleangi untu' attallasa'. Mingka inai-nai le'ba' a'gau' ja'dala' lambangung poleangi untu' nihukkung.”

LAMPA-LAMPANA 24:15

Sangkamma ke'nanga, inakke tappa' tonja' mae ri Allata'ala, angkanaya sikontu tau matea lattallasa' poleangi ammotere' – iamintu sikamma tau bajika kammayatompa sikamma tau ja'dalaka!

LAMPA-LAMPANA 5:41

A'lampami anjo sikamma tunisuroNa Allata'ala ambokoi anjo sidang Pangadelang Agamaya. Sanna' ngaseng rannuna ke'nanga, lanri nipassiratammi ri Allata'ala ke'nanga angkasiaki paccallaya, lanri arenNa Isa.

2 TESALONIKA 1:5

Anrinnimi anne a'nyata antekamma adele'na apa le'baka Natappuki Allata'ala; Le'ba'mi nukasia' sessaya passabakkang Lino BeruNa Allata'ala, jari lanikellai mako antama' anjoreng.

IBRANI 11:35

Lanri tappa'na sikamma tubainea nanagappamo ammotere' sikamma taunna le'bakamo mate. Nia' tommo ampassareangi kalenna nisessa sa'genna mate; taerokami nilappassang, lanri ero'na nipattallasa' poleang nanagappa katallassang la'bi bajikanganga.

PAPPICINI' 3:4

Mingka ri tangnga-tangnganu ri Sardis, nia' ija tau anjagai sollanna tuli tangkasa' pakeanna. Anjo ke'nanga lassiagangA' a'jappa ammakeang kebo', nasaba' nipassiratangi ke'nanga untu' anjo.