LUKAS 20:24 - KITTA' MATANGKASA'

²⁴ “PicinikiangA' bedeng se're doe' pera'. Inai pata areng siagang inai pata gambara' anne niaka lalang ri doeka?” Appialimi ke'nanga angkana: “Karaenga.”

LUKAS 20:24 Iomraidhean Croise

MATIUS 18:28

Ri wattunna assulu'mo anjo taua, sibuntulammi paranna ata, kainranganga ri ia pirassa'bu are jaina. Nata'gala'mi anjo aganna nanaaccekang kallonna nampa nakana, ‘Bayara' ngasengi inrannu!’

MATIUS 20:2

Ri wattunna nia'mo siapa are tau nagappa, sitappukimi angkanaya lanabayaraki ke'nanga se're doe' pera' lalanna sialloa. Le'baki anjo nasuromi ke'nanga a'lampa anjama ri koko anggoro'na.

MATIUS 22:20

Akkuta'nammi Isa ri ke'nanga Nakana, “Inai pata gambara' siagang areng anne lalang ri doeka?”

MARKUS 12:16

Nasaremi ke'nanga Isa se're doe' pera'. Nampa akkuta'nammi Isa Nakana, “Inai pata gambara' siagang areng anne?” Appialimi ke'nanga angkana, “Karaenga.”

LUKAS 2:1

Anjo wattua Karaeng Agustus ammarenta ri pa'rasangang Roma. Sitabangi nisuro bilang ngaseng sikontu tuma'buttaya niaka lalang parentana.

LUKAS 20:22

Jari Kipau sabeki ri kambe, angkanaya, maka akkullei taua a'bayara' sima mae ri karaenga yareka tena, situru' atoranna agamata?”

LUKAS 20:23

Mingka Naassengi Isa akkala' salana ke'nanga. Lanri kammana, Nakanamo ri ke'nanga,

LUKAS 20:25

Nakanamo Isa ri ke'nanga, “Punna kamma, sareangi Karaenga apa napatanga Karaenga, siagang sareangi Allata'ala apa Napatanga Allata'ala.”

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

LUKAS 3:1

Ri taung makasampuloa allima ammarenta Karaeng Tiberius, Pontius Pilatus a'jari guburnur ri Yudea; na Herodes ammarenta ri Galilea; na Filipus, sari'battanna Herodes, ammarenta ri Iturea siagang Trakhonitis; na Lisanias ammarenta ri Abilene.

LAMPA-LAMPANA 11:28

Kalase'renna ke'nanga niarengi Agabus. Lanri pangngajara'Na RohNa Allata'ala, natappu riolomi angkanaya lakajariangi sallang ri sikontu linoa kacipurang lompoa. (Na anjo napakkanaya kajariang tojemmi ri wattunna Karaeng Klaudius ammarenta.)

LAMPA-LAMPANA 26:32

Nakanamo Agripa ri Festus, “Anjo taua akkullemi nilappassang ka'de' tena nanapalaki niadeli parkarana ri pangadelanna Karaenga ri Roma.”

FILIPI 4:22

Sikamma Umma'Na Allata'ala niaka anrinni ri kotaya, la'biangampa niaka anrinni ri balla' lompona karaenga akkiring ngaseng tongi sallang mae ri kau.