LUKAS 20:17 - KITTA' MATANGKASA'

¹⁷ Naciniki ngasemmi Isa ke'nanga. Nampa Nakana, “Punna kamma, apa battuanna anne nipaua lalang ri Kittaka, angkanaya, ‘Batu tenaya napakei tukang bangunanga, a'jarimi batu lomoro' se're.’

LUKAS 20:17 Iomraidhean Croise

PAMMUJI 118:22

Batu nipelaka ri tukang-tukang bangunanga, a'jari batu tangnga.

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

ZAKHARIA 10:4

Battu ri tangnga-tangngana ke'nanga laKupilei tukoasaya, pamimpinga, siagang panglima lammarentaya ri ummakKu.”

ZAKHARIA 3:9

Kupadongkoki ri dallekanna Yosua se're batu assulapa' tujua laKusarea ukirang siagang tulisang-tulisang. LaKupelaki dosaya battu ri anne pa'rasanganga lalang siallo.

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

MARKUS 10:23

Nacinikimi Isa ana'-ana' gurunNa, nampa Nakana ri ke'nanga, “Sukkara' sikali tau kalumanynyanga la'jari umma'Na Allata'ala!”

MARKUS 12:10

Tantu le'ba'mi nubaca anne aya' niaka ri Kittaka angkanaya, ‘Batu tenaya napakei tukang-tukang batua a'jarimi batu majarre'na bangunanga.

MARKUS 3:5

A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.

LUKAS 19:41

Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

LUKAS 22:37

Nasaba' patappaki anne nipaua lalang ri Kittaka angkanaya, ‘Lanibilangi tau ja'dala'.’ Iaminne musti lakajariang ri KalengKu. Nasaba' apa tattulisika lalang ri Kittaka passala' ri Nakke, iaminne kajariang ri kamma-kammaya anne.”

LUKAS 22:61

Assailemi Isa mae ri Petrus. Nau'rangimi Petrus apa le'baka Napau Isa ri ia angkanaya, “Ri tenanapa nattingkoko janganga, pintallumMa' nusassali.”

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

LAMPA-LAMPANA 4:11

Iaminjo Isa nisero kanaya lalang ri anne aya' lalang Kittaka, angkanaya, ‘Anjo batu tenaya nupakei ikau tukang-tukanga, kamma-kamma anne iami a'jari batu kaminang parallu.’

EFESUS 2:20

Nibangung tommako irate ri batu le'baka napadongko' sikamma tunisuroNa Allata'ala siagang na'bi-na'biNa; nampa Isa Almasi a'jari sanrapang batu malompona anjo bangunanga.

1 PETRUS 2:6

Nasaba' nia' tattulisi' lalang ri Kittaka angkanaya, “Le'ba'mi Kupile batu lompoa anggaranna, Kupadongkoka a'jari batu majarre' ri kota Sion; na inai tappa' ri Ia talamala'bayai pa'mai'na.”