LUKAS 20:16 - KITTA' MATANGKASA'

¹⁶ Tantu labattui nanabuno ngaseng anjo pajamaya, nampa napappitesangang anjo kokonna mae ri pajama maraenga.” Nalangngere'na akkana kamma Isa, nakanamo ke'nanga ri Isa, “Tapporo tena sikali nakamma!”

LUKAS 20:16 Iomraidhean Croise

MATIUS 21:34

Se're wattu, narapi'mi wattunna lanialle rapponna anjo anggoroka ri kokonna. Nasuromi siapa are palayanna anjo patanna koko mange ampalaki tawana ri anjo tau anjamayai kokonna.

MATIUS 21:41

Appialimi ke'nanga angkana, “Mattantu lanabunoi anjo tau ja'dala' kammaya. Nampa napappitesangang ri tau maraeng anjo kokonna, eroka ambagei punna narapi' wattunna nibage wassele'na anjo kokoa.”

MATIUS 22:7

Nalangngere'na Karaenga anjo kajarianga teaimi sipato' larrona. Nakirimmi tantarana nanasuro buno ngaseng anjo tau le'baka ambunoi pala'-palayanna. Kammayatompa kotana ke'nanga nasuro tunu tongi.

MARKUS 12:9

Le'baki anjo akkuta'nammi Isa Nakana, “Maka apa lanagaukang anjo patanna koko? Mattantu labattui na nabuno ngaseng anjo pajamaya. Nampa napappitesangang anjo kokoa mae ri pajama koko maraenga.

LUKAS 19:27

Na kamma-kamma anne erang ngasemmi mae sikamma tau ammusua', iamintu tau tenaya naero' akkaraeng ri nakke. Buno ngasengi ke'nanga ri dallekangku!’ ”

LUKAS 20:15

Jari nare'resammi ke'nanga assulu' anjo ana'na patanna koko, nampa nabuno.” Le'baki Nacarita Isa anjo pangngebaranga, Nakanamo, “Jari punna ammotere' anjo patanna koko, apa lanagaukang ri anjo siapa area pajama koko?

LAMPA-LAMPANA 13:46

Mingka pila' baranimi Paulus siagang Barnabas a'bicara silambusu'na. Nakanamo ke'nanga, “Musti nipabattu memangi rolong kananNa Allata'ala mae ri kau ngaseng. Mingka lanri tenana nuero' antarimai, jari kalennu tommi ampattantui angkanaya tena nusiratang antarimai katallassang sitojennaya siagang satunggu-tunggua. Jari kamma-kamma anne kubokoi ngaseng mako, nampa a'lampa ikambe mae ri bansa maraenga.

ROMA 11:1

Erokka' akkuta'nang: Maka Napela'mi Allata'ala umma' KalenNa? Tantu tena! Inakke kalengku bansa Israelka', sossoranna Abraham, siagang battu ri suku Benyamin.

ROMA 11:11

Erokka' pole akkuta'nang: Ri wattunna tu'guru' tu Yahudia, maka lanri nikellaina panra' ke'nanga natu'guru'? Tena sikalia! Mingka lanri dorakana ke'nanga, ba'lalo nanipasalama'mo bansa maraenga, sa'genna a'jari akkimburumo bansa Yahudia mae ri anjo bansa maraenga.

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

ROMA 3:4

Mattantu tena! Nasaba' ma'nassami angkanaya tuli annabai Allata'ala, manna pole a'jari paballe-balle ngasemmi rupataua. Sangkamma niaka lalang ri Kittaka tattulisi' angkanaya, “Poro a'butti laloi katojengannu ilalang ri kana nupabattua, nummeta punna narapi' wattunnu niadeli.”

ROMA 3:6

Tena sikalia! Nasaba' punna tena Naadele' Allata'ala, maka antekamma bateNa lakkulle angngadeli anne linoa?

ROMA 6:15

Jari, kamma-kamma anne apa bodona bicaraya? Maka akkullei nigaukang dosaya nasaba' tenamo nakirawangang kakoasanna hukkung-hukkung agama Yahudia passangalinna irawangang kakoasanNa pangngamaseanNa Allata'ala? Tena sikalia!

ROMA 6:2

Tantu tena! Nasaba' tenamo nanakoasaiki' dosaya. Jari apa saba'na natuli lanigaukang dosaya lalang ri tallasatta?

ROMA 7:13

Jari punna kamma, maka anjo apa bajika angngerangi kamateang mae ri kalengku? Tantu tena! Mingka anjo dosaya angngerangi anjo kamateanga. Nipakei anjo kabajikanga ri dosaya angngerang kamateang mae ri kalengku, sollanna a'nassa nicini' sipa'-sipa'na anjo dosaya. Battu ilalammi ri apa-apa Napassuroanga Allata'ala, a'butti ma'nassa antekamma ja'dala'na anjo dosaya.

ROMA 7:7

Jari punna kamma, apamo lanikana? Lanikana ja'dalaki anjo hukkung-hukkung agama Yahudia? Tantu tena! Mingka iaminjo hukkung-hukkunga angngajarakki' angngassengi nikanaya dosa. Takuassengai angkana apa anjo nikanaya angngoa, ka'de' tena nanakana anjo hukkung agamaya, “Teako angngoai.”

ROMA 9:14

Jari apa bodona kana kamma-kamma anne? Lanikana tena naadele' Allata'ala? Mattantuna adeleki Allata'ala!

1 KORINTUS 6:15

Nuassemmi angkanaya anjo batangkalennu anggota batangkalenNa Almasi. Jari, maka akkullei kualle anjo anggota batangkalenNa Almasi, nampa kupa'jari anggota ri batangkalenna baine ja'dalaka? Tena sikali nakkulle!

GALATIA 2:17

Usahaki' assibajiki ammotere' siagang Allata'ala, tete ri assileo'na tallasatta siagang Almasi. Mingka punna nigaukammo anjo kammaya nituli “tu doraka” ija sangkamma bansa-bansa maraenga, maka Almasimi a'jari saba' ni'jari tu doraka? Tantu tena!

GALATIA 3:21

Jari maka assisalai anjo hukkung agamaya siagang janjinNa Allata'ala? Tantu tena! Nasaba' punna lanri akkullena natallasi rupataua nanipassareang anjo hukkung agamaya, tantu akkullemi assibajiki rupataua siagang Allata'ala tete ri anjo hukkung agamaya.

GALATIA 6:14

Mingka inakke tena sikali lakkulle kukalompoang pa'mai', pantaranganna Batarata Isa Almasi, le'baka mate nisalli'. Nasaba' lanri le'ba'Namo mate ri kayu sallika, natenamo anggaranna anne linoa mae ri nakke. Na inakke sanrapamma' tau mateamo mae ri anne linoa.