LUKAS 20:10 - KITTA' MATANGKASA'

¹⁰ Ri wattunna narapi'mo wattunna lanialle rapponna anjo anggoroka, nasuromi palayanna anjo patanna koko mange ri anjo pajamaya ampalaki tesanna anjo kokonna. Mingka niba'jimi anjo palayanga ri anjo pajamaya. Le'baki niba'ji, nisuromi ammotere' anjo palayanga, natanisarea apa-apa.

LUKAS 20:10 Iomraidhean Croise

1 KARAENG-KARAENG 22:24

Jari majumi Na'bi Zedekia nampa a'reppese' ri Mikha na natempa ka'rang rupanna siagang nakana, “Antekamma olona laNabokoia' RohNa Batara nampa a'bicara ri kau?”

2 KARAENG-KARAENG 17:13

Akkiringi Batara siapa are tunisuro siagang na'bi-na'biNa mae ri umma' Israel siagang Yehuda untu' ampabattui anne pappakainga' kammaya: “Ammarimako a'gau' ja'dala' siagang turukimi parenta siagang hukkung le'baka Kupassareang mae ri boe-boenu siagang mae ri kau tete ri sikamma anjo atangKu, na'bi-na'bia.”

1 PATTOTTORANG 19:4

Jari najakkala'mi Hanun anjo sikamma tunasuroa Daud, nacukkuruki janggo'na ke'nanga, napolong-polongi pakeanna ke'nanga sa'genna ri aya'na mami bodona. Nampa nasuro ke'nanga a'lampa.

2 PATTOTTORANG 16:10

Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

NEHEMIA 9:30

Attaung-taungKi' sa'bara' ampakaingaki; tete ri sikamma na'bia, nama'bicara RohTa ri ke'nanga. Mingka natongkoki tolinna ummatTa, jari Kipassareammi ke'nanga mae ri bansa-bansa sikamma pa'rasangang.

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

YEREMIA 20:2

naparentakammi sollangku nitunrung siagang niepong ri Pakke'bu' Lompo Benyamin, pakke'bu' lompo bageang ratena Balla'Na Batara.

YEREMIA 35:15

Tena ammariKu assuroi battu mae ri kau sikamma atangKu na'bi-na'bia, siagang napakainga' mako ke'nanga sollanna nupakabaji' panggaukannu na nupamari a'gau' ja'dalaka. Napakaingakko ke'nanga sollanna tena nunynyomba mae ri rewata-rewata maraenga siagang tena nupare' atai kalennu mae ri anjo rewata-rewataya, sollannu akkulle ammantang tuli anrinni ri pa'rasangang Kupassareanga mae ri kau siagang mae ri boe-boenu. Mingka taerokako amparhatikangi siagang taerokako mappilangngeri ri Nakke.

YEREMIA 5:24

Tena le'bakako angngu'rangi untu' ampakalompoA', padahala' iNakke appabattu bosi, baji' naripakaramulanna kammayatompa narikala'busanna baraka. INakke todong assareko wattu pakkattoang tunggala' taung.

LUKAS 13:34

O, tuniaka ri Yerusalem, tuniaka ri Yerusalem! Nubunomi na'bi-na'bia! Nusambilami batu sa'genna mate sikamma tu Nasuroa Allata'ala! Pissiapa are mako ero' Kukalimbuki, sanrapang anrong janganga angkalimbuki ana'-ana'na irawanganna ka'nyi'na, mingka taeroka ngasengko!

LUKAS 20:11

Jari nasuromi pole palayanna maraenga anjo patanna koko. Mingka niba'ji tommi siagang nihinami anjo palayanga ri anjo pajamaya. Le'baki niba'ji, nisuromi ammotere' anjo palayanga, natanisarea apa-apa.

LUKAS 20:9

Nacaritami Isa mae ri taua anne pangngebarang angkanaya, “Nia' sitau allamungi anggoro' kokonna. Napappitesangangi anjo kokonna mae ri siapa are pajama koko. Nampa a'lampa mange ri pa'rasangang maraeng, nammantang sallo anjoreng.

YOHANES 15:16

Teai ikau ngaseng ampileA'. Mingka iNakke ampile ngasengko, siagang assuro ngasengko a'lampa sollannu akkulle a'rappo jai – natalapanraka anjo rapponnu. Na apa-apa mamo nupala' lalang arengKu, laNasareko Manggea.

ROMA 7:4

Sangkamma ngaseng tomminjo mae ri kau, sari'battangku ngaseng. Sanrapang mate ngaseng mako mae ri hukkung agama Yahudia lanri nipasileo'mi tallasa'nu siagang Isa Almasi, le'baka attallasa' ammotere' battu ri kamateanga; Iami ampatangi katallassannu. Nipattallasa' poleangi ammotere' battu ri kamateanga, sollanna akkulle a'jari a'matu-matu katallassanta mae ri Allata'ala.