LUKAS 2:49 - KITTA' MATANGKASA'

⁴⁹ Appialimi Isa Nakana, “Angngapa nakiboyA'? Takiassengai angkanaya musti niakKa' lalang ri Balla'Na ManggeKu?”

LUKAS 2:49 Iomraidhean Croise

PAMMUJI 40:8

Nampa kukana, “Annemi kalengku, lalang gulungang kitta' tattulisika untu' inakke:

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

MATIUS 21:12

Le'baki anjo antama'mi Isa ri Balla'Na Batara. Nabongka ngasemmi sikamma tau niaka anjoreng a'balu'-balu'. Nabulinta' ngasemmi mejang-mejanna pasambe doeka, kammayatompa bangko-bangkona pabalu' jangang-jangang bodobangkenga.

LUKAS 2:48

Manna tau toaNa lannasa' tommi allangngereki. Nakanamo amma'Na ri Ia, “Na', angngapa Nuppanggaukang kammanne ri kambe? Sanna' lussa'na nyawaku siagang manggeNu amboyaKo mange-mange!”

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

YOHANES 5:17

Mingka Nakanamo Isa ri ke'nanga, “Sa'genna kamma-kamma anne tuli anjamana BapakKu, jari iaminjo naKuanjama todong.”

YOHANES 5:36

Mingka lompoangangi kasa'biangKu na kasa'bianna Yohanes. Apa Kugaukanga ri kamma-kammaya anne, iamintu jama-jamang Napassuroanga Manggea mae ri Nakke, iaminjo a'jari butti, ma'nassana Manggea assuroA' battu.

YOHANES 6:38

Nasaba' naKunaung battu ri suruga, teai ero' KalengKu laKugaukang, passangalinna ero'Na Ia assuroA' battu, iamintu ManggeKu.

YOHANES 8:29

Na Ia assuroa ri Nakke, niaki angngagangA'. Tenale'baKa' nabalang parekang Kale-kalengKu, nasaba' tuli Kugaukangi apa Nakate'neanga atinNa.”

YOHANES 9:4

Ri singara'na ija musti nijama memammi jama-jamang nipassuroanga ri Nakke. Labattui bangngia sa'genna tenanniakka manna sitau akkulle anjama.