LUKAS 2:40 - KITTA' MATANGKASA'

⁴⁰ Pila' lompomi siagang pila' gassimmi anjo anaka. Sanna' cara'de'na siagang sanna' annabana, na sanna' nikarimangnginna ri Allata'ala.

LUKAS 2:40 Iomraidhean Croise

PAMMUJI 22:9

Nakana ke'nanga, “Lappassammi napattoang Bataraya, sollanna nipasalama' ri Batara, punna sannang Batara mae ri ia!”

PAMMUJI 45:2

Kana-kana bajika assulu' tojemmi battu ri atingku, kupangngadakkangi kelongku mae ri karaenga. Sanrapang pulpenna se'rea tucara'de' annulisi', sadiai lilaku appau kana-kana baji'.

LUKAS 1:80

Pila' lompomi anjo ana'na Zakharia. Pila' jarre'mi rohna. Ammantammi ri parang lompoa, sa'genna narapi' wattunna napa'nyata kalenna mae ri bansa Israel.

LUKAS 2:47

Sikontu tau allangngerekai lannasa' ngasemmi lanri sanna' cara'de'Na a'bicara.

LUKAS 2:52

Pila' lompomi Isa siagang pila' cara'de'mi, na ningai ri Allata'ala siagang ri taua.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

LAMPA-LAMPANA 4:33

Lalang koasa malompo battua ri Allata'ala, a'jari sa'bi ngasemmi anjo tunisuroa, angkanaya ma'nassa attallasa' poleammi Isa battu ri kamateanga. Sanna'mi nibarakkakina ke'nanga ri Allata'ala.

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

2 TIMOTIUS 2:1

Anakku Timotius! Paralluko a'jari majarre' lanri pangngamaseang malammoro' nipassareanga mae ri katte, lanri asse'reta siagang Isa Almasi.

HAKING-HAKING 13:24

Siapa are bulang ribokoanganna, ammana'mi sitau bura'ne anjo bainenna Manoah. Nampa naareng Simson anjo anaka. A'bakka'mi a'jari lompo anjo anaka, na nibarakkaki ri Batara.

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.

1 SAMUEL 2:21

Nibarakkakimi Hana ri Allata'ala, sa'genna allassukang pole tallu ana' bura'ne siagang rua ana' baine. Na Samuel pila' a'bakka' tommi lompona lalang allayanina ri Allata'ala.

1 SAMUEL 2:26

Na Samuel, anjo anaka, pila' lompomi siagang pila' ningaimi, baji ri Batara, kammayatompa ri sikontu taua.

1 SAMUEL 3:19

Pila' katambammi lompona Samuel. Nirurungangi ri Batara, siagang Napa'rupami sikamma apa napaua Samuel kajariang tojeng.