LUKAS 2:28 - KITTA' MATANGKASA'

²⁸ Naallemi Simeon anjo anaka, na nakalawing, nampa ammuji-muji ri Allata'ala, nakana,

LUKAS 2:28 Iomraidhean Croise

PAMMUJI 32:11

He, sikamma tu bajika, rannu mako siagang ma'reja-reja mako lanri apa le'baka Nagaukang Batara. Akkio' rannu mako, he sikontu tu lambusu' pa'maika!

MARKUS 10:16

Le'baki akkana kamma Isa, Naraka'mi anjo ana'-anaka, nampa massing Napadongkoki lima naNabarakkaki ngaseng ke'nanga.

MARKUS 9:36

Nampa angngalle Isa sitau ana'-ana' ca'di naNasuro anjo ana' ca'dia ammenteng ri dallekanna ke'nanga. Naraka'mi Isa anjo ana' ca'dia nampa Nakana ri ana'-ana' gurunNa,

LUKAS 1:46

Nakanamo Maria, “Mammuji atingku ri Batara,

LUKAS 1:64

Na anjo wattua akkullemi a'bicara pole Zakharia siagang ammuji-muji ri Allata'ala.

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

LUKAS 2:20

Ammotere'mi ke'nanga mange ri paranga, mammuji-muji siagang napakala'biri'mi ke'nanga Allata'ala, lanri yangasenna anjo kajariang le'baka nalangngere' siagang nacini' ke'nanga, tena le'ba' sisalana siagang anjo apa le'baka napau malaekaka mae ri ke'nanga.

LUKAS 2:27

Niulumi Simeon ri RohNa Allata'ala antama' ri Balla'Na Batara. Anjo wattua nierangi anjo Isa, ana' loloa, ri Yusuf siagang Maria antama' untu' anggaukangi pa'gaukang nipassuroanga lalang atorang agamaya.

LUKAS 2:29

“Anne kamma, o Batara, Kirupaimi janjinTa. Boli'mi kamma ammoterang atanTa siagang sannang.

YOSUA 22:33

Jari sannammi nyawana umma' Israel mae ri anjo passalaka, sa'genna mammuji-mujimo ke'nanga mae ri Allata'ala. Tenamo nasero kanai pole anjo passala' ero'na ke'nanga ambunduki tu Ruben siagang tu Gad, siagang untu' angngancuruki pa'rasanganna ke'nanga.