LUKAS 19:9 - KITTA' MATANGKASA'

⁹ Nakanamo Isa, “Anne alloa ikau siagang sikamma bone balla'nu, nipasalama' mako ri Allata'ala siagang nisare mako katallassang beru, nasaba' sossoranna tongko Abraham.

LUKAS 19:9 Iomraidhean Croise

LUKAS 13:16

Anrinni nia' sitau baine, sossoranna Abraham, sampulomi assagantuju taung nisessa siagang nisikko' ri Billisi'. Maka takkulleai nila'gasi passikko'na ri Allo Pammari-marianga?”

LUKAS 13:30

Sikontutojenna, nia' tau ri boko dudu la'jari ri dallekang dudu, na nia' tau ri dallekang dudu la'jari ri boko dudu.”

LUKAS 16:24

A'gorami anjo tau kalumanynyanga angkioki Abraham nakana, ‘O, Pa' Abraham! Kikamaseang laloa'. Kisuro sai Lazarus ambasai karemenna antama' ri je'neka nampa naung mae ambassai lilaku. Teai sipato' sessana kusa'ring ammantang lalang ri anne pepeka!’

LUKAS 16:30

Mingka appialimi anjo tau kalumanynyanga nakana, ‘Tagannakapi anjo Bapa' Abraham. Mingka punna nia' tau mate attallasa' poleang, na mange ampakaingaki ke'nanga, latoba'mi ke'nanga ri massing dosa-dosana.’

LUKAS 2:30

Nasaba' le'ba'mi nacini' mata kalengku Pappasalama' battua ri Katte.

LUKAS 3:8

Pappicinikammi rolong lalang ri panggaukannu, angkanaya ma'nassa toba' mako battu ri dosa-dosanu! Teako angkanai kaboe-boenu anjo Abraham. U'rangi angkanaya: Manna anne batu-batua akkulle tongi Napa'jari Allata'ala sossoranna Abraham!

ROMA 4:16

Jari lanri tappa'naji taua mae ri Allata'ala nania' anjo janjinNa Allata'ala. Iaminjo a'jari pammatei mattantua mae ri sossoranna Abraham, angkanaya nisareang bawang-bawanji ke'nanga anjo janjia battu ri Allata'ala; teai untu' tau mannurukiaji bawang ri hukkung agama Yahudia, passangalinna untu' tau tappaka pole ri Allata'ala, sangkamma tappa'na Abraham mae ri Allata'ala. Nasaba' iaminjo Abraham bapa' rohanita ngaseng.

GALATIA 3:14

Nagaukammi Almasi kammaya anjo, sollanna nisare todong bansa-bansa maraenga barakka' le'baka Napa'janjiang Allata'ala mae ri Abraham. Jari, ikatte tau tappaka mae ri Allata'ala, akkulle tommaki' anggappai anjo Roh Napa'janjianga Allata'ala.

GALATIA 3:29

Punna taunnako Almasi, a'jari sossoranna mako Abraham. Siagang lanutarimami apa le'baka Napa'janjiang Allata'ala.

GALATIA 3:7

Jari parallui nuasseng baji' angkanaya, inai-nai tappa' mae ri Allata'ala, iami ma'nassa sossoranna Abraham.

1 PETRUS 2:10

Riolo teaiko umma'Na Allata'ala, mingka kamma-kamma anne umma'Na mako Allata'ala. Riolo tanikamaseangako ri Allata'ala; mingka kamma-kamma anne nutarimami pangngamaseanNa.