LUKAS 19:44 - KITTA' MATANGKASA'

⁴⁴ Lanaancurukko siagang sikontu bonenu; na tenanniakka manna sibatu batu tela lanakellai ammantang tassusung ri tampa'na, lanri tenana nanujampangi ri wattunna battu Allata'ala untu' ampasalamakko!”

LUKAS 19:44 Iomraidhean Croise

PAMMUJI 137:9

Mate'nei tau angngalleai sikamma ana' lolonu nampa napatappasa' naung ri bulu' batua!

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YESAYA 29:3

LaNabunduki Allata'ala anjo kotaya siagang laNatammulili battu ri kabusu'na kabattuanga.

YEREMIA 11:23

Le'ba'mi Kupattantu wattunna untu' ampaturungi balaya mae ri tu Anatot, siagang punna battumo wattu hukkunganna ke'nanga, manna sitau tania' lata'lappasa'.”

PIRAUNG 1:8

Nara'massi kalenna Yerusalem lanri gau' dosa majaina. Sikontu tumappakalompoa riolo mae ri kalenna, anne kamma mappakatunami anciniki ri assolara'na. Makkunrareng mami nagaukang napakamma siri'-siri'.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

DANIEL 9:26

Ri kala'busanna anjo jammanga lanibunoi pamimping Napilea Allata'ala, padahala' tena salana. Nampa battumo tantarana sitau karaeng kassaka, na naancuru' kota Yerusalem siagang Balla'Na Batara. Anjo kala'busang jammanga labattui rapang a'ba angngeranga pa'bundukang siagang kaancurang, situru' le'baka Napattantu Allata'ala.

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

MATIUS 24:2

Nakanamo Isa ri ke'nanga, “Nucini' ngasemmi anjo bangunanga? Assemmi angkanaya, manna se're batu talania' sallang ammantang assusung ri tampa'na, nasaba' lanirumbang ngasengi!”

MARKUS 13:2

Appialimi Isa Nakana, “Sai nucini' ngasengi bangunang lompoa? Tena manna se're lammantang tassusung anjo batu-batua ri pammantanganna ri anjo bangunang-bangunanga. Nasaba' laniruntung ngasengi.”

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

LUKAS 1:78

Baji' ati na mangngamaseang Bataraya; battui lanri erotta Napasalama'. Sanrapang mataallo ammumba ri bari'basaka,

LUKAS 19:42

Lalang angngarru'Na Nakana, “O kodong, baji'na mamo ka'de' nuassemmo anne alloa apa lakkullea angngerang passiamakkang! Mingka kamma-kamma anne takkulleai nucini'.

LUKAS 21:6

“Nia' sallang nanarapi' wattunna nalanirumbang ngaseng anjo apa nucinika; anne batu niaka anrinni manna sibatu talania'ija tassusung ri pammantanganna!”

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.