LUKAS 19:41 - KITTA' MATANGKASA'

⁴¹ Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

LUKAS 19:41 Iomraidhean Croise

2 KARAENG-KARAENG 8:11

Nampa najanjang tarrusu'mo Elisa anjo Hazael sa'genna a'jari lussa'mo Hazael. Ti'ring angngarru'mi Elisa.

PAMMUJI 119:136

Assolongi je'ne' matangku sanrapang binanga, lanri tenana nituruki hukkunTa.

PAMMUJI 119:158

Birisika' anciniki anjo sikamma tau ta'gilinga a'jari bali, lanri tena naturuki ajaranTa.

PAMMUJI 119:53

Sanna' larroku mae ri tau ja'dalaka, lanri nabokoi hukkunTa.

YESAYA 22:4

Teako nakke nuparhatikang; boli'ma' kamma nakukarruki sikamma bansaku mateamo. Teako cobai ansaleoria'.

YESAYA 28:21

Lammentengi Batara sangkamma ri Moncong Perazim. Laberjuangi sangkamma ri Lappara' Gibeon untu' anggaukangi pattujunNa, iamintu pattujuang appakalannasaka mae ri rupataua! LaNagaukangi jama-jamanNa appakalannasaka.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

YEREMIA 17:16

Mingka, o Batara, tale'bakaKi' kupassa untu' ampabattui balaya mae ri ke'nanga. Tena todong kuero' sollanna nituju ri kasusaang. Kiassengi anjo, Batara. Kiassengi apa kupaua.

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

LUKAS 19:42

Lalang angngarru'Na Nakana, “O kodong, baji'na mamo ka'de' nuassemmo anne alloa apa lakkullea angngerang passiamakkang! Mingka kamma-kamma anne takkulleai nucini'.

YOHANES 11:35

Angngarru'mi Isa.