LUKAS 19:37 - KITTA' MATANGKASA'

³⁷ Ri wattunna a'reppese'mo ri Yerusalem, ri agang anynyoloroka ri Bonto Zaitun, appakkaramula ngasemmi sikamma ana' gurunNa akkiok-kio' mammuji-muji ri Allata'ala. Siagang appala' sukkuru'mi ke'nanga ri Allata'ala, lanri le'ba'na ngasemmo nacini' ke'nanga sikamma gau'-gau' appakalannasa' le'baka Nagaukang Isa.

LUKAS 19:37 Iomraidhean Croise

1 PATTOTTORANG 15:28

Sikontu umma' Israel a'lampa ngasengi anrurungangi anjo Patti Parjanjianga sa'genna ri Yerusalem, ma'rannu-rannu, sa'ra tarompe', napiri, simbala', kammayatompa sa'ra kacapi.

2 PATTOTTORANG 29:36

Sannammi pa'mai'na Karaeng Hizkia siagang ra'yaka lanri lalang wattu sinampekang le'ba'mi nibantu ke'nanga ri Allata'ala untu' anggaukang kabusuki anjo sikammaya.

MATIUS 21:1

A'reppese'namo ri Yerusalem, battumi ke'nanga ri Betfage, ri Bonto Zaitun. Battuna anjoreng Nasuromi rua ana' gurunNa Isa a'lampa riolo.

MARKUS 13:3

Nampa a'lampa Isa mange ri Bonto Zaitun, nammempo ri tampa' sidallekanga siagang Balla'Na Batara. Battumi Petrus, Yakobus, Yohanes siagang Andreas angngagangi a'bicara kale-kalenna.

MARKUS 14:26

Le'baki anjo akkelommi ke'nanga se're kelong-kelong pammuji ri Allata'ala. Nampa a'lampa ke'nanga mange ri Bonto Zaitun.

LUKAS 18:43

Anjo wattua, akkulle memammi accini' silalonna. Nampa amminawang ri Isa, siagang appala' sukkuru'mi ri Allata'ala. Nacini'na tau jaia anjo apa kajarianga, ammuji-muji ngasemmi ke'nanga ri Allata'ala.

LUKAS 19:20

Le'baki anjo battu tommi palayang maraenga pole, na nakana, ‘O, karaeng, anne doetta; kuboliki lalang ri passapungku.

LUKAS 19:29

Ri wattunna battu ke'nanga ri rampi'na Betfage siagang Betania, iamintu ri Bonto Zaitun, Nasuromi ana' gurunNa rua tau a'jappa riolo.

LUKAS 19:36

Lalang numalona Isa andongkoki anjo keledaia, napalapara'mi jubana taua ri agang laNaoloa Isa.

LUKAS 7:16

Malla' ngasemmi taua, na mammuji-muji ri Allata'ala. Nakanamo ke'nanga, “Ammumbami na'bi lompoa ri tangnga-tangngata! Nia'mi battu Allata'ala ampasalamaki umma'Na!”

YOHANES 12:18

Lanri kammana minjo na'lampamo anjo tau jaia mae ri Isa; nasaba' nalangngere'mi ke'nanga angkanaya Isa anggaukangi anjo gau' appakalannasaka.