LUKAS 19:26 - KITTA' MATANGKASA'

²⁶ Appialimi anjo karaenga nakana, ‘U'rangi angkanaya: inai-nai nia'mo apa-apanna, iami lanisare pole la'bi jai. Mingka inai-nai tena apa-apanna lanialleangi ba'lalo apa-apa niaka ri ia.

LUKAS 19:26 Iomraidhean Croise

2 SAMUEL 7:15

Mingka tuli laKugaukangi apa bajika mae ri ia situru' janjingKu. Tuli laKuta'gala' jarreki janjingKu mae ri ia, tena nasangkamma apa le'baka Kugaukang mae ri Saul Kupalessoka battu ri empoanna sollannu akkulle a'jari karaeng.

PAMMUJI 109:8

Boli'mi kamma linta' la'busu' tallasa'na, nampa nialle pangka'na ri tau maraeng.

MATIUS 13:12

Nasaba' tau niakamo apa-apanna lanitambaiangi pole sijaiang, sa'genna kala'biang. Mingka tau tenaya apa-apanna, yareka naniaka sike'de' apa-apanna, lanialleangi ba'lalo ammotere'.

MATIUS 21:43

Nakanamo pole Isa, “Jari u'rangi angkanaya, yangasenna ha'nu a'jari umma'Na Allata'ala lanialleangko ammotere', nampa nipassareang mae ri bansa maraenga, eroka anggaukangi ero'Na Allata'ala. [

MARKUS 4:25

Nasaba' tau niakamo apa-apanna, lanisarei pole jai; mingka tau tenaya apa-apanna, lanialleangi ba'lalo apa-apa niaka sike'de' ri ia.”

LUKAS 16:3

Jari appikkiri'mi anjo pagawena ammolika doe' nakana, ‘Lanapasulukka' anjama karaengku. Jari apami parallu kugaukang kamma-kamma anne? Erokka' ammingkung anjama tana, natakukullea; lamangea' appala'-pala', nakusiri'-siri'.

LUKAS 19:25

Mingka nakanamo ke'nanga, ‘O, karaeng, anjo palayanga nia'mo ri ia sampulo doe' bulaeng.’

LUKAS 8:18

Lanri kammana, pilangngerimi baji'-baji' apa-apa nulangngereka. Nasaba' tau niakamo apa-apanna lanitambaiangi pole jaiangang; mingka tenaya apa-apanna, manna apa sike'deka ri ia lanialleangi pole ammotere'.”

LAMPA-LAMPANA 1:20

“Nasaba' nia' tattulisi' lalang ri Kitta' Pammuji-mujia angkana, ‘Lappassammi ammantang a'jari sino pammantanganna; teako niakki manna sitau ammantang lalang.’ Nia' pole tattulisi' angkanaya, ‘Lappassammi naalle tau maraeng empoanna.’

2 YOHANES 1:8

Lanri kammana, jagai gassingka niakko ampelaki anjo apa le'baka nausahakang ikambe untu' ikau ngaseng. Usahako sollanna nutarima ngaseng sawala'nu.

PAPPICINI' 2:3

Sa'bara' ngasengko, siagang nukasia'mi pa'risika passabakkang iNakke, na tena nutappu' panrannuang.

PAPPICINI' 3:11

LalintakKa' battu! Jagai baji'-baji' apa niaka ri kau ngaseng, sollanna tena tau maraeng akkulle angngalleangko anjo hadia nubetaya.

1 SAMUEL 15:28

Nakanamo Samuel ri ia, “Anne alloa Nakekke'mi Batara kakaraenganna Israel battu ri katte, nampa Napassareang mae ri tau maraenga, ia bajikangnganga naikatte.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.