LUKAS 19:18 - KITTA' MATANGKASA'

¹⁸ Le'baki anjo battu tommi palayang makaruaya na nakana, ‘O, karaeng, anjo se'rea doe' bulaeng kipassareanga ri nakke, kupa'jari lappi limami.’

LUKAS 19:18 Iomraidhean Croise

MATIUS 13:23

Na anjo bine takkioroka ri butta copponga, iaminjo pangngebarang mae ri sikamma tau allangngerekami anjo kabaraka siagang napahang baji'-baji'. Jaimi rapponna ke'nanga, nia' a'lappi sibilangngang, nia' a'lappi annampulo, siagang nia' a'lappi tallumpulo wassele'na.”

MATIUS 25:22

Nampa battu tommi anjo palayang annarimaya ruassa'bu doe' ringgi' bulaeng. Nakana ri karaenga, ‘O karaeng, ruassa'bu doe' ringgi' bulaeng le'ba' kisareanga'. Kicini' minne, nia' kugappa ruassa'bu passawallang.’

MARKUS 4:20

Na anjo bine tu'guruka ri butta copponga, iaminjo pangngebaranna tau allangngerekai siagang antarimayai anjo kabaraka. A'rappomi ke'nanga, na jai rapponna: nia' a'lappi tallumpulo, nia' a'lappi annampulo, na nia' todong a'lappi sibilangngang wassele'na.”

LUKAS 19:13

Ri tenanapa na'lampa, nakio'mi sampuloa palayanna, nampa massing nasare ke'nanga tasse're-se'renna doe' bulaeng. Nakana ri ke'nanga, ‘Pakei anne doeka a'danggang lalang lampaku.’

LUKAS 19:17

Nakanamo anjo karaenga, ‘Baji'mi! Palayang bajikko! Nasaba' akkulleko nipatappa' ri passala' apa-apa ca'dia, lakupa'jari mako tau koasa ammarenta sampulo kota.’

LUKAS 19:19

Nakanamo anjo karaenga ri anjo palayanga, ‘Lakupa'jariko tau koasa ammarenta lima kota.’

2 KORINTUS 8:12

Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.