LUKAS 19:17 - KITTA' MATANGKASA'

¹⁷ Nakanamo anjo karaenga, ‘Baji'mi! Palayang bajikko! Nasaba' akkulleko nipatappa' ri passala' apa-apa ca'dia, lakupa'jari mako tau koasa ammarenta sampulo kota.’

LUKAS 19:17 Iomraidhean Croise

PA'JARIANG 39:4

Sannammi nyawana Potifar mae ri Yusuf, siagang naangka'mi a'jari palayang untu' kalenna. Nampa nasare tugasa' Yusuf untu' angngurusuki bone balla'na kammayatompa sikontu pa'barang-baranganna.

PANGNGEBARANG 27:18

Inai ammarakai poko' rappo-rappoang, lanakanrei rapponna. Laningai palayanga punna napakalompo karaenna.

MATIUS 25:21

Nakanamo anjo karaenga, ‘Baji' sikalimi! Ikau palayang bajikko siagang tutuko. Lanri akkulleko nipatappa' ri apa-apa sike'deka, lakupirannuangiko pole apa-apa jaianganga. Antama' mako nakisiagang assannang-sannang!’

LUKAS 16:10

Inai-nai akkulle nipatappa' ri passala' apa ca'di-ca'dia iami akkulle tongi nipatappa' ri passala' apa-apa lompoanganga. Mingka inai-nai takkullea nipatappa' ri passala' apa ca'di-ca'dia, takkullea tongi nipatappa' ri passala' apa-apa lompoanganga.

LUKAS 19:16

Battumi palayang makase'rea andallekang na nakana, ‘O karaeng, anjo se'rea doe' bulaeng kipassareanga ri nakke, kupa'jari lappi sampulomi.’

LUKAS 19:18

Le'baki anjo battu tommi palayang makaruaya na nakana, ‘O, karaeng, anjo se'rea doe' bulaeng kipassareanga ri nakke, kupa'jari lappi limami.’

LUKAS 22:30

Lanri kammana, akkulle tommako amminawang a'rannu-rannu siagang iNakke ri wattungKu a'jari Karaeng. Siagang lammempo ngaseng tommako irate ri sampuloa anrua empoang kala'birang, untu' ammarenta ri sampuloa anrua bansa Israel.”

ROMA 2:29

Mingka ia nikanaya tu Yahudi tojeng-tojeng iamintu tu Yahudia memang todong lalang ri atinna siagang nyawana; naia nikanaya sunna' tojeng-tojeng iamintu sunna' lalanga ri atia, ia Nagaukanga RohNa Allata'ala; jari tena nalalang ri kittaka nitulisi'. Tau kammaya minjo lannarima pammuji battu ri Allata'ala; jari teai battu ri rupataua.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

2 TIMOTIUS 2:10

Iami anjo saba'na nakusa'bara' antanggong ngasengi anjo kasessanga, lanri kaparalluanna sikamma tau le'bakamo Napile Allata'ala. Sollanna nagappa ngaseng todong ke'nanga kasalamakkang Napassareanga Allata'ala tete ri Isa Almasi, nirurunganga ri kala'birang mannannunganga.

1 PETRUS 1:7

Matu-matunna ngaseng anjo iamintu sollanna akkulle a'butti katappakkang tojeng-tojennu mae ri Batara yareka tena. Manna bulaeng akkullea panra' niuji tonji siagang pepe'. Jari, anjo katappakkannu la'bi lompoangangi anggaranna na bulaenga; jari musti niuji tongi sollanna a'jari jarre'. Siagang lanri kammana, lanipuji mako siagang lanipakala'biri' mako, kammayatompa lanipakatinggi mako sallang ri allo kabattuanNa ammotere' Isa Almasi.

1 PETRUS 5:4

Na punna battu sallang Pakalawaki Mala'birika, langgappa mako hadia sannaka ga'gana. Anjo hadiaya takkulleai amminra kaga'ganna.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.