LUKAS 19:14 - KITTA' MATANGKASA'

¹⁴ Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

LUKAS 19:14 Iomraidhean Croise

2 SAMUEL 23:7

manna sitau tania' ero' ambuttuki punna tammakea pa'lapa' kayu yareka bassi limanna. Possoki tau kammaya anjo nikanre ri pepe'.

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

LUKAS 14:32

Punna naassengi angkanaya takassakai surudaduna, tantu nia' memammo nasuro mange ri musunna appala' dame ri bellana ija anjo musunna.”

LUKAS 19:13

Ri tenanapa na'lampa, nakio'mi sampuloa palayanna, nampa massing nasare ke'nanga tasse're-se'renna doe' bulaeng. Nakana ri ke'nanga, ‘Pakei anne doeka a'danggang lalang lampaku.’

LUKAS 19:15

Mingka niangka'mi anjo tu nipakala'birika a'jari karaeng, nampa ammotere' ri pa'rasanganna. Nasuro kio'mi linta' andallekang anjo palayang-palayanna, ero' naasseng angkanaya siapa jaina passawallang massing nagappa ke'nanga.

LUKAS 19:27

Na kamma-kamma anne erang ngasemmi mae sikamma tau ammusua', iamintu tau tenaya naero' akkaraeng ri nakke. Buno ngasengi ke'nanga ri dallekangku!’ ”

YOHANES 1:11

Battui ri pa'rasangang KalenNa mingka tanitarimayai ri bansaNa.

YOHANES 15:18

“Punna nakabirisiko linoa, u'rangimi angkanaya iNakkemi la'bi riolo nakabirisi anne linoa.

1 SAMUEL 8:7

Na Nakanamo Batara, “Turukiammi sikontu pappala'na anjo bansaya mae ri kau. Nasaba' teai ikau nasorongboko ke'nanga, mingka iNakke. Tenamo naero' punna iNakke a'jari karaenna ke'nanga.